ڈیرن گف کی موجودگی میں لاہور قلندرز کی کارکردگی مزید بہتری ہو گی،سی ای او لاہور قلندرز

لاہور قلندرز کے سی ای او عاطف رانا نے کہا ہے کہ پی ایس ایل میں فینز کی توقعات پر پورا اتریں گے۔

تفصیلات کے مطابق لاہور قلندرز کے سی ای او عاطف رانا نے پارٹنر شپ معاہدے کے موقع پر میڈیا سے گفتگو کرتے ہوئے کہا کہ لاہور قلندرز کو سپانسرز نے ہمیشہ سپورٹ کیا ہے،

پی ایس ایل میں فینز کی توقعات پر پورا اتریں گے ،تمام سٹیک ہولڈرز کے اعتماد پر پورا اتریں گے ،شاہین آفریدی اور حارث روف بھی یہاں موجود ہیں اس مرتبہ ضرور ٹرافی اٹھائیں گے ، آنے والے سیزن میں لاہور قلندرز کی پرفارمنس اچھی ہو گی ،لاہور قلندرز نے ہمیشہ نوجوانوں کو سپورٹ کیا ہے۔

شاہین شاہ آفریدی نے کہا اپنی غلطیوں پر کام کریں گے ،اچھی کارکردگی کا مظاہرہ کرنے کی کوشش کریں گے ،لاہور قلندرز کا کمبی نیشن اچھا بنا ہے ، مکمل پلان کے ساتھ پی ایس ایل 10 میں جائیں گے،

گزشتہ ایڈیشن میں بیک اپ اچھا نہیں تھا حارث رؤف اور ڈیو ویسا کی کمی محسوس ہوئی تھی۔

ثمین رانا کا کہناتھا کہ ہار جیت کھیل کا حصہ ہے انہی کھلاڑیوں نے ہمیشہ کامیابی بھی دلائی ہے،پاکستان کے میدان بھریں گے اور پلئیرز کو اسپورٹ کریں گے ،

کرکٹ فرنچائز میں لوگ آتے رہتے ہیں عاقب جاوید کی بھی بڑی خدمات رہی ہیں ،ڈیرن گف کے آنے سے بھی فائدہ ہو گا نوجوان فاسٹ بولرز میں بہتری آئے گی،ڈیرن گف کی موجودگی میں لاہور قلندرز کی کارکردگی مزید بہتری ہو گی۔