پی سی بی ہیڈ آف مینٹورز اور سابق پاکستانی فاسٹ بولر وہاب ریاض نے شدید تنقید کے بعد نیشنل ٹی 20 کپ نہ کھیلنے کا فیصلہ کر لیا۔۔
وہاب ریاض نے اپنے فیصلے سے پی سی بی ڈومیسٹک ڈیپارٹمنٹ اور لاہور ریجن ایسوسی ایشن انتظامیہ کو آگاہ کردیا۔وہاب ریاض کی جگہ نوجوان فاسٹ باؤلر احمد بشیر کو لاہور وائٹس کے 15 رکنی سکواڈ میں شامل کر لیا گیا ہے ،
لاہور واٹس میں وہاب ریاض کی شمولیت پر سوشل میڈیا پر شدید ردعمل سامنے آیا اورسابق کرکٹرز سمیت کئی افراد نے اسے نوجوان کھلاڑیوں کے حق پر ڈاکہ قرار دیا تھا،
سوشل میڈیا پر ایک صارف نے لکھاکہ پاکستان کرکٹ بورڈ کا حال دیکھیں، ایک ریٹائرڈ بولر کو سرکاری تعلقات کی بنیاد پر نیشنل ٹی 20 کھیلنے دیا جا رہا ہے ۔ یہی وجہ ہے کہ ہماری کرکٹ تنزلی کا شکار ہے ۔
دوسری جانب نیشنل ٹی20 کپ میں کراچی وائٹس اپنے ٹائٹل کا دفاع کرے گی، جبکہ ٹورنامنٹ کا آغاز رواں ماہ کے آخر میں ہوگا۔
