وزیراعلیٰ خیبرپختونخوا کا محمد ریاض کو سرکاری کوچ بھرتی کرنے کا اعلان
وزیراعلیٰ خیبرپختونخوا علی امین گنڈاپور نے محمد ریاض کو سرکاری کوچ بھرتی کرنے کا اعلان کر دیا۔
وزیراعلیٰ خیبرپختونخوا علی امین گنڈا پورکی دعوت پر فٹبالر محمدریاض سی ایم ہاؤس آئے، اس موقع پر وزیراعلیٰ نے فٹبالر کو فٹ بال کا سرکاری کوچ بھرتی کرنے کا اعلان کیا۔
وزیراعلیٰ خیبرپختونخوانے محمد ریاض کو10 لاکھ روپے کاچیک بھی دیا، انہوں نے کہا کہ محمد ر یاض جیسے لوگ ہمارا قیمتی اثاثہ ہیں، ان کی قدر کریں گے۔
واضح رہے کہ ہنگو سے تعلق رکھنے والے محمد ریاض بیرون ملک فٹبال میں پاکستان کی نمائندگی کر چکے ہیں، فٹبالر محمدریاض کی حلوائی کی دکان پر کام کرنے کی ویڈیو سوشل میڈیا پر وائرل ہوئی تھی جس کے بعد وزیراعلیٰ نے انہیں وزیراعلیٰ ہاؤس بلایا تھا۔
واضح رہے کہ فٹبالر محمد ریاض وزیراعظم شہباز شریف سے ملنے اسلام آباد بھی آئے تھے جہاں وزیراعظم نے بھی انہیں 25 لاکھ روپے کا امدادی چیک دیا تھا۔
