سابق اولمپئن بابر علی گردوں کے عارضہ میں مبتلا، اہلخانہ کی علاج کیلئے تعاون کی اپیل
سابق اولمپئن بابر علی گردوں کے عارضہ میں مبتلا، اہلخانہ کی علاج کیلئے تعاون کی اپیل
لاہور (ویب ڈیسک) ایشین گیمز کے سلور میڈلسٹ اور ساؤتھ ایشین گیمز کے بہترین باکسر قرار پانیوالے اولمپئن بابر علی خان گردوں کے عارضہ کی وجہ سے شدید علیل ہیں۔
بابر علی خان کے مالی وسائل علاج کی راہ میں رکاوٹ بن گئے ہیں جس کی وجہ سے ان کے اہلخانہ نے قومی ہیرو کا علاج کرانے کی اپیل کی ہے۔
باکسنگ رنگ میں اپنے مکوں سے تابڑ توڑ حملے کرنے والے 62 سالہ باکسر بابر علی خان کو گردوں کے عارضے نے ہسپتال کے بستر تک محدود کردیا ہے۔
یاد رہے کہ بابر علی خان نے دہلی کی 82 ایشین گیمز میں سلور میڈل جیتا، لاس اینجلس اولمپکس 1984ء میں پاکستان کی نمائندگی کی جبکہ ساؤتھ ایشین گیمز 1985ء کے بہترین باکسر قرار پائے۔
بابر علی خان کے گردوں نے کام کرنا چھوڑ دیا ہے جبکہ وہ دل کے عارضے میں بھی مبتلا ہیں، وہ بہت مشکل سے بول سکتے ہیں، انہوں نے سب سے جلد صحت یابی کے لیے دعا کی اپیل کی ہے۔
اولمپئن بابر علی خان کے بیٹے شاہ دین نے اپیل کی ہے کہ ان کے والد نے ڈھیروں میڈل جیتے ہیں، باکسنگ کے اس ہیرو کا خیال رکھنے کی ضرورت ہے۔
