نیشنل ٹی ٹوئنٹی کپ : کراچی وائٹس اور ملتان کی کامیابی

نیشنل ٹی ٹوئنٹی کپ : کراچی وائٹس اور ملتان کی کامیابی

سعود شکیل کے 73 رنز۔امام الحق کے 79 رنزناٹ آؤٹ ۔

لاہور 18 مارچ۔ نیشنل ٹی ٹوئنٹی کپ میں منگل کے روز کھیلے گئے میچوں میں ملتان نے آزاد جموں کشمیر کو 5 وکٹوں سے ہرادیا۔ کراچی وائٹس نے لاہور بلوز کو 37 رنز سے شکست دیدی ۔

قذافی اسٹیڈیم لاہور میں لاہور بلوز نے ٹاس جیت کر کراچی وائٹس کو بیٹنگ دی جس نے 5 وکٹوں کے نقصان پر 171 رنز اسکور کیے۔ سعود شکیل نے8 چوکوں اور3 چھکوں کی مدد سے73 رنز کی اننگز کھیلی۔

لاہور بلوز کی ٹیم 134 رنز بناکر آؤٹ ہوگئی ۔قاسم اکرم 36 رنز کے ساتھ ٹاپ اسکورر رہے۔

بابراعظم تین چوکوں کی مدد سے 22 رنز بناکر آؤٹ ہوگئے۔ عارف یعقوب نے 23رنز دے کر4 وکٹیں حاصل کیں۔

سعود شکیل پلیئر آف دی میچ قرار پائے۔

ایل سی سی اے گراؤنڈ لاہور میں اے جے کے ریجن نے ملتان کے خلاف ٹاس جیت کر پہلے بیٹنگ کی اور 20 اوورز میں8 وکٹوں پر 164 رنز بنائے۔عثمان معروف نے4 چھکوں اور 2 چوکوں کی مدد سے40 رنز اسکور کیے۔

شرون سراج اور محمد اسمعیل نے بالترتیب 10 اور 23 رنز دے کر تین تین وکٹیں حاصل کیں۔

ملتان نے19 ویں اوور میں 5 وکٹوں پر مطلوبہ اسکور پورا کرلیا۔
امام الحق نے 2 چھکوں اور 10 چوکوں کی مدد سے 79 رنز اسکور کیے اور آؤٹ نہیں ہوئے۔