نیشنل ٹی ٹوئنٹی کپ : ایبٹ آباد ، کراچی بلوز ، لاہور بلوز اور راولپنڈی کی کامیابی
عبداللہ فضل کی سنچری ، کامران غلام اور مبصرخان کی عمدہ آل راؤنڈ کارکردگی
نیشنل ٹی ٹوئنٹی کپ : ایبٹ آباد ، کراچی بلوز ، لاہور بلوز اور راولپنڈی کی کامیابی ۔
عبداللہ فضل کی سنچری ، کامران غلام اور مبصرخان کی عمدہ آل راؤنڈ کارکردگی
فیصل آباد ۔ نیشنل ٹی ٹوئنٹی کپ میں ایبٹ آباد نے فیصل آباد کو 8 وکٹوں سے شکست دیدی۔ کراچی بلوز نے پشاور کو 16 رنز سے ہرادیا۔لاہور بلوز نے ڈیرہ مراد جمالی کے خلاف میچ 8 وکٹوں سے جیتا۔ راولپنڈی نے حیدرآباد کے خلاف 91 رنز سے کامیابی حاصل کی۔
اقبال اسٹیڈیم میں فیصل آباد نے ایبٹ آباد کے خلاف ٹاس جیت کر پہلے بیٹنگ کرتے ہوئے134 رنز بناکر آؤٹ ہوگئی۔ محمد فیضان نے43 رنز اسکور کیے۔کامران غلام نے 26 رنز دے کر 3وکٹیں حاصل کیں۔
ایبٹ آباد نے مطلوبہ اسکور صرف دو وکٹوں پر پورا کرلیا۔ خیام خان نے 11چوکوں کی مدد سے 64 رنز اسکور کیے۔ کامران غلام نے 7 چوکوں اور2 چھکوں کی مدد سے 63 رنز بنائے۔ ان دونوں نے تیسری وکٹ کی ناقابل شکست شراکت میں 132 رنز کا اضافہ کیا۔ کامران غلام پلیئر آف دی میچ رہے۔
ملتان کرکٹ اسٹیڈیم میں پشاور نے ٹاس جیت کر کراچی بلوز کو بیٹنگ دی جس نے3 وکٹوں پر 183 رنز بنائے۔ عبداللہ فضل نے 11چوکوں اور3 چھکوں کی مدد سے 103 رنز ناٹ آؤٹ کی شاندار اننگز کھیلی۔
جواب میں پشاور کی ٹیم 9 وکٹوں پر167 رنز بنا پائی۔صاحبزادہ فرحان نے 62 رنز اسکور کیے۔فہد امین نے37 رنز دے کر3 وکٹیں حاصل کیں۔
عبداللہ فضل پلیئر آف دی میچ قرار پائے۔
قذافی اسٹیڈیم لاہور میں ڈیرہ مراد جمالی نے لاہور بلوز کے خلاف ٹاس جیت کر پہلے بیٹنگ کی اور 8 وکٹوں پر 100 رنز اسکور کیے۔ نثار احمد اور حسین طلعت نے دو دو وکٹیں حاصل کیں۔
لاہور بلوز نے 14 اوورز میں دو وکٹوں پر ہدف حاصل کرلیا۔ عمرصدیق 42 اور حسین طلعت 24 بناکر ناٹ آؤٹ رہے۔ حسین طلعت پلیئر آف دی میچ رہے۔
اقبال اسٹیڈیم فیصل آباد میں راولپنڈی نے حیدرآباد کے خلاف ٹاس جیت کر پہلے بیٹنگ کی اور 3 وکٹوں پر 218 رنز اسکور کیے۔
ذیشان ملک گیارہ چوکوں اور تین چھکوں کی مدد سے99 رنز بناکر ناٹ آؤٹ رہے۔محمد نواز نے 59 رنز ناٹ آؤٹ اسکور کیے جس میں پانچ چوکے اور پانچ چھکے شامل تھے۔ان دونوں نے چوتھی وکٹ کی شراکت میں101 رنز بنائے۔مبصرخان نے45 رنز کی اننگز کھیلی۔
حیدرآباد کی ٹیم جواب میں 127 رنز بناکر آؤٹ ہوگئی۔سعد خان نے پانچ چھکوں اور دو چوکوں کی مدد سے53 رنز اسکور کیے۔ مبصرخان نے 19رنز دے کر 3 وکٹیں حاصل کیں۔
مبصر خان پلیئر آف دی میچ قرار پائے۔
