افغانستان کرکٹ بورڈ نے ابوظبی کو ہوم وینیو بنالیا
ابوظہبی: افغانستان کرکٹ بورڈ (اے سی بی) نے ابوظہبی کو اپنا ہوم وینیو بنالیا۔ افغانستان کرکٹ بورڈ اور ابوظہبی کرکٹ حکام کےدرمیان پانچ سالہ معاہدے پر دستخط ہوگئے
جس کے تحت 2025 سے2029 تک افغانستان کرکٹ ٹیم کےکیمپس اور ہوم میچز ابوظہبی میں ہوں گے۔ معاہدے کے تحت اے سی بی متحدہ عرب امارات کے مختلف اسٹیڈیمز میں سینیئر ٹیم کی دو طرفہ سیریز کا انعقاد جاری رکھے گا
جبکہ افغان کرکٹ بورڈ کو بین الاقوامی سطح پر اپنی سرگرمیوں کو وسعت دینے اور کھلاڑیوں کی تربیت کے لیے بھی معاونت فراہم کی جائے گی۔
