ایکو سٹار سپر لیگ پولو کپ 2025 کا شاندار آغاز
معروف کنزیومر الیکٹرانکس برانڈ ایکو اسٹار نے لاہور پولو کلب کے اشتراک سے ایکو اسٹار سپر لیگ 2025 کے انعقاد کا اعلان کر دیا۔
ایکو سٹار سپر لیگ پولو کپ چار ہفتوں تک جاری رہے گی جس میں 10 ٹیمیں حصہ لیں گی۔ ایکو اسٹار کے ڈائریکٹر طہٰ محمد نسیم نے بتایا کہ ایکو سٹار ہمیشہ سے کھیلوں کی ترقی اور بہترین معیار کے فروغ کے لیے کوشاں رہا ہے۔
انھوں نے کہا کہ لاہور پولو کلب کے ساتھ مل کر ایکو اسٹار سپر لیگ پولو کپ 2025 کا انعقاد کرنے کا مقصد کھیلوں کی سرپرستی کرنا اور کمیونٹی کے لیے معیاری اسپورٹس انٹرٹینمنٹ فراہم کرنا ہے۔
ایکو سپر لیگ پولو کپ چار ہفتے جاری رہے گی، جس میں دو الگ الگ ٹورنامنٹس ہوں گے،
ہر ٹورنامنٹ دو ہفتے پر مشتمل ہوگا جس میں ملک کے بہترین پولو کھلاڑیوں کو اپنی صلاحیتوں کے اظہار کا موقع ملے گا۔
