پاکستانی کوہ پیما شہروز کاشف حکومت کی جانب سے کوئی ایوارڈ نہ ملنے پر بول پڑے

 پاکستانی کوہ پیما شہروز کاشف حکومت کی جانب سے کوئی ایوارڈ نہ ملنے پر بول پڑے۔

سوشل میڈیا پر سول ایوارڈ اور پاکستان ڈے کے ہیش ٹیگ کے ساتھ اپنے بیان میں شہروز کاشف کا کہنا تھا کہ مجھے 4 گنیز ورلڈ ریکارڈ بنانے پر فخر ہے، میں 22 برس کی عمر میں 8 ہزار میٹر سے بلند تمام 14 چوٹیاں سر کر چکا ہوں۔

شہروز کاشف کا کہنا تھا کہ 8 ہزار میٹر سے بلند تمام 14 چوٹیاں سر کرنے والا دوسرا اور کم عمر ترین پاکستانی ہوں، میں 4 برسوں سے قومی سول ایوارڈ کا منتظر ہوں، ہر مرتبہ آخری لمحات میں نام نکال دیا جاتا ہے۔

پاکستانی کوہ پیما کا مزید کہنا تھا کہ میرا جذبہ ماند پڑ گیا ہے لیکن عزم اب بھی پختہ ہے، میں 23 مارچ کے موقع پر ایوارڈز حاصل کرنے والوں کو مبارک باد پیش کرتا ہوں۔