پی ایس ایل10: ری پلیسمنٹ ڈرافٹ میں کس ٹیم نے کس کو چنا؟
لاہور: پاکستان سپر لیگ (پی ایس ایل) کے 10ویں ایڈیشن کے ری پلیسمنٹ ڈرافٹ میں فرنچائزز نے اہم کھلاڑیوں کو منتخب کر لیا۔
پاکستان کرکٹ بورڈ (پی سی بی) کی جانب سے جاری کردہ اعلامیے کے مطابق پی ایس ایل کی معروف فرنچائز پشاور زلمی نے کاربن بوش کی جگہ جارج لینڈے کو ڈائمنڈ کیٹیگری میں سکواڈ کا حصہ بنایا جبکہ گولڈ کیٹیگری میں شامل ناہید رانا کو ریزرو کھلاڑی کی فہرست میں جگہ دی ہے۔
اسی طرح اسلام آباد یونائیٹڈ نے آسٹریلوی کرکٹر الیکس کیری کو جنوبی افریقی کرکٹر راسی وین ڈرڈیوسن کی جگہ جزوی طور پر شامل کرلیا ہے۔
اس کے علاوہ کراچی کنگز نے سلور کیٹیگری میں بنگلادیشی اوپنرلٹن داس اور کین ولیمسن اور کوئٹہ گلیڈی ایٹرز نے مارک چیپمین کی جگہ کو ریزرو کیا ہے۔
یاد رہے کہ پاکستان سپر لیگ سیزن 10 کا آغاز 11 اپریل سے ہو گا، یہ ایونٹ 18 مئی تک کراچی، لاہور، ملتان اور راولپنڈی میں منعقد ہو گا۔
