گلوبل سیلبریٹی لیگ (جی سی ایل) کا شاندار کرٹن ریزر ایونٹ قطر میں منعقد
دوحہ، قطر : گلوبل سیلبریٹی لیگ (جی سی ایل) کا شاندار کرٹن ریزر ایونٹ منعقد ہوا، جس میں کرکٹ اور شوبز ستاروں نے شرکت کی ۔
تقریب میں جی سی ایل کے چیئرمین عزت مآب شیخ سعود عبداللہ الثانی نے شرکت کی، جنہوں نے قطر میں کرکٹ کے فروغ کے حوالے سے لیگ کی اہمیت پر روشنی ڈالی۔
جی سی ایل کے صدر عارف ملک نے لیگ کے مستقبل کے منصوبے پیش کرتے ہوئے قطر میں کرکٹ کی ترقی کے حوالے سے اپنے عزائم کا اظہار کیا۔
ایونٹ کی پانچ شریک ٹیموں – پاکستان، بھارت، قطر، بنگلہ دیش اور افغانستان کی آفیشل کِٹ کی رونمائی بھی ہوئ۔ اس موقع پر یہ اعلان بھی کیا گیا کہ فائراوکس کے مالک وقاص علوی نے پاکستان ٹیم کی فرنچائز کی آنرشپ حاصل کر لی ہے، جس سے لیگ کی بین الاقوامی سطح پر مزید پہچان بڑھے گی۔
تقریب میں مزید جوش و خروش اس وقت پیدا ہوا جب سابق پاکستانی کرکٹر عمران نذیر نے باضابطہ طور پر گلوبل سیلبریٹی لیگ میں شمولیت اختیار کر لی، جس سے ایونٹ میں مزید کرکٹنگ تجربہ اور اسٹار پاور شامل ہو گئی۔
تاہم، سب سے بڑی اور اہم خبر یہ تھی کہ لیجنڈری کرکٹر بوم بوم شاہد آفریدی (لالہ) جی سی ایل کے برانڈ ایمبیسیڈر کے طور پر شامل ہو گئے، جس نے لیگ کی مقبولیت کو نئی بلندیوں تک پہنچا دیا۔
جی سی ایل میں عالمی شہرت یافتہ کرکٹرز اور معروف شوبز ستارے ایکشن میں نظر آئیں گے، جس سے شائقین کرکٹ کو سنسنی خیز مقابلے دیکھنے کو ملیں گے ۔ یہ لیگ قطر کی وزارت کھیل و نوجوانان کے تعاون سے منعقد ہو رہی ہے اور اسے عالمی سطح پر کرکٹ کی ایک منفرد لیگ کے طور پر دیکھا جا رہا ہے۔
یہ تاریخی ایونٹ قطر میں منعقد ہوگا، جو عالمی کرکٹ میں ایک نئے عہد کا آغاز ثابت ہوگا۔
