پاکستان سپر لیگ کی فرنچائز لاہور قلندرز کا قلندرز نائٹ منانے کا اعلان

پاکستان سپر لیگ کی فرنچائز لاہور قلندرز کا قلندرز نائٹ منانے کا اعلان

قلندرز نائٹ گریٹر اقبال پارک مینار پاکستان میں منعقد ہو گی

تقریب کرکٹ، موسیقی اور تفریح کا شاندار امتزاج ہو گی انتظامیہ لاہور قلندرز

تقریب میں لاہور قلندرز کی ٹیم شرکت کرے گے فینز کو کھلاڑیوں کے ساتھ وقت گزارنے کا موقع ملے گا انتظامیہ

گلوکار عاصم ظفر، بلال سعید ، سارہ الطاف اور ساحر علی بگا فن کا مظاہرہ کریں گے

تقریب میں لاہور قلندرز کی آفیشل کٹ اور نیا اینتھم بھی لانچ کیا جائے گا انتظامیہ

قلندرز نائٹ ایک ایونٹ نہیں بلکہ مداحوں سے خوبصورت تعلق کا اظہار ہے سی ای او عاطف رانا

یہ پاکستان کے میوزک اسٹارز کے ساتھ ایک یادگار نائٹ ہو گی عاطف رانا

لاہور، 26 مارچ 2025: ایچ بی ایل پاکستان سپر لیگ کی مقبول ترین فرنچائز لاہور قلندرز نے اپنی سالانہ تفریحی تقریب "قلندرز نائٹ” کے انعقاد کا اعلان کر دیا ہے۔ یہ شاندار ایونٹ 6 اپریل کو مینارِ پاکستان میں منعقد ہوگا، جس میں کرکٹ، موسیقی اور تفریح کا شاندار امتزاج پیش کیا جائے گا۔

تقریب میں لاہور قلندرز کی مکمل ٹیم شرکت کرے گی، جبکہ مداحوں کو اپنے پسندیدہ کھلاڑیوں اور معروف موسیقاروں کے ساتھ یادگار لمحات گزارنے کا موقع ملے گا۔

پاکستان کے نامور گلوکاروں کی شاندار پرفارمنس بھی اس ایونٹ کا حصہ ہوگی، جن میں عاصم اظہر، بلال سعید، سارہ الطاف، اور ساحر علی بگا شامل ہیں۔ اس کے علاوہ، تقریب میں لاہور قلندرز کی آفیشل کٹ کی رونمائی کی جائے گی اور ٹیم کا نیا اینتھم بھی لانچ کیا جائے گا۔

ایونٹ کے اختتام پر ایک شاندار لیزر شو بھی پیش کیا جائے گا، جو شرکاء کے لیے ایک یادگار تجربہ ثابت ہوگا۔ لاہور قلندرز اپنے مداحوں کے جوش و جذبے کو مدنظر رکھتے ہوئے ہر سال اس تقریب کا انعقاد کرتی ہے، تاکہ کرکٹ اور تفریح کا حسین امتزاج پیش کیا جا سکے۔

سی ای او لاہور قلندرز، عاطف رانا نے اس حوالے سے کہا:
"قلندرز نائٹ صرف ایک ایونٹ نہیں بلکہ یہ ہمارے مداحوں کے ساتھ ایک خوبصورت تعلق کا اظہار ہے۔ ہم خوش ہیں کہ پاکستان کے بہترین میوزک اسٹارز کے ساتھ اس یادگار رات کو منائیں گے،

جبکہ اپنی نئی کٹ اور اینتھم بھی شائقین کے سامنے پیش کریں گے۔ یہ تقریب ہمارے قلندرز فیملی کے لیے ہے، اور ہم سب مل کر اس کا بھرپور لطف اٹھائیں گے۔”