پاکستان ٹیم دورہ نیوزی لینڈ ; قومی سکواڈ نیپئر سے ہیملٹن پہنچ گیا

 نیوزی لینڈ کے خلاف سیریز کے دوسرے ون ڈے میچ کیلئے پاکستانی ٹیم ہملٹن پہنچ گئی۔

تفصیلات کے مطابق قومی ٹیم نیپئر سے ہملٹن پہنچی جہاں کھلاڑی آج مکمل آرام کریں گے جبکہ پاکستان ٹیم کل (بروز پیر) کو مقامی وقت کے مطابق صبح 10 بجے پریکٹس کرے گی۔

پاک نیوزی لینڈ ٹیموں کے درمیان سیریز کا دوسرا میچ 2 اپریل کو کھیلا جائے گا، میزبان بلیک کیپس کو سیریز میں ایک صفر کی برتری حاصل ہے۔

یاد رہے کہ پہلے ون ڈے میں نیوزی لینڈ نے پاکستان کو 73 رنز کے بڑے مارجن سے شکست دی تھی۔