آئی سی سی نے ون ڈے اور ٹی 20 فارمیٹ کی نئی پلیئرز رینکنگ جاری کردی
انٹرنیشنل کرکٹ کونسل (آئی سی سی) نے ون ڈے اور ٹی 20 فارمیٹ کی نئی پلیئرز رینکنگ جاری کردی جس کے تحت پاکستان کا کوئی بولر ٹاپ 20 میں شامل نہیں۔
ون ڈے رینکنگ میں شبمن گل پہلے جبکہ بابراعظم دوسرے نمبر پر برقرار ہیں۔ فخر زمان کا 20 ویں اور محمد رضوان 21 ویں نمبر پر ہیں۔ شاہین آفریدی 2 درجہ تنزلی کے بعد 11ویں نمبر پر چلے گئے ہیں۔
ٹی 20 بلے بازوں میں آسٹریلیا کے ٹریوس ہیڈ کا پہلا نمبر برقرار ہے۔ جبکہ نیوزی لینڈ کے ٹم سائفرٹ 5 درجے ترقی کے بعد 8ویں نمبر آگئے ہیں۔ ٹی 20 بیٹرز میں بابراعظم کی 9ویں اور رضوان کی 12ویں پوزیشن ہے۔
نیوزی لینڈ کے جیکب ڈفی نمبر ون ٹی ٹونٹی بولر بن کر ابھرے ہیں۔ انہوں نے پاکستان کے خلاف ٹی 20 سیریز میں 13 وکٹیں لی تھیں۔
