نیوزی لینڈ نے دوسرے ون ڈے میں پاکستان کو 84 رنز سے شکست دے دی
293 رنز کے ہدف کے جواب میں پاکستان کی پوری ٹیم 41.2 اوورز میں 208 رنز پر آؤٹ ہوگئی۔
دوسرا ون ڈے، نیوزی لینڈ نے پاکستان کو شکست دے کر سیریز بھی اپنے نام کر لی
تین ون ڈے انٹرنیشنل میچوں پر مشتمل سیریز کے دوسرے میچ میں نیوزی لینڈ نے پاکستان کو 84 رنز سے شکست دے کر سیریز میں 0-2 کی فیصلہ کن برتری حاصل کر لی۔
پاکستان نے ٹاس جیت کر نیوزی لینڈ کو پہلے بیٹنگ کی دعوت دی، نیوزی لینڈ نے پاکستان کو 293 رنز کا ٹارگٹ دیا۔
پاکستان کی جانب سے ہدف کے تعاقب میں اننگز کا آغاز عبداللہ شفیق اور امام الحق نے کیا، چھ رنز کے مجموعی اسکور پر پاکستان کی پہلی وکٹ گری عبداللہ شفیق صرف ایک رنز بنا کر آؤٹ ہو گئے، سات کے اسکور پر بابر اعظم بھی ایک رنز بنا کر آؤٹ ہو گئے۔
اسکور جب نو رنز پر پہنچا تو امام ابحق بھی تین رنز بنا کر آؤٹ ہو کر پویلین لوٹ گئے، 31 کے مجموعی اسکور پر سلمان علی آغا بھی نو رنز بنا کر آؤٹ ہو گئے۔
32 کے اسکور پر پاکستان کی پانچویں وکٹ محمد رضوان کی گری وہ بھی صرف پانچ رنز بنا سکے۔ پاکستان کی چھٹی وکٹ 65 کے اسکور پر گری، طیب طاہر 13 رنز بنا کر پویلین لوٹ گئے۔
پاکستان کا مجموعی اسکور 72 پر پہنچا تو پاکستان کی ساتویں وکٹ محمد وسیم کی گری وہ ایک رنز بنا سکے۔ پاکستان کا اسکور جب 93 رنز پر پہنچا تو حارث رئوف سر پر گیند لگنے کی وجہ سے ریٹائرڈ ہرٹ ہو گئے، کنکشن قانون کے تحت نسیم شاہ حارث رؤف کی جگہ بیٹنگ کے لیے آئے۔
پاکستان کی آٹھویں وکٹ 114 کے مجموعی اسکور پر گری، عاکف جاوید 8 رنز بنا کر آئوٹ ہوئے۔ 174 کے مجموعی اسکور پر پاکستان کی نویں وکٹ گری، فہیم اشرف شاندار 73 رنز بنا کر آئوٹ ہوئے۔
آخری وکٹ 41.2 اوورز میں نسیم شاہ کی گری انہوں نے اپنے کیرئیر کی پہلی نصف سنچری بنائی، وہ 51 رنز پر آئوٹ ہوئے، اس طرح نیوزی لینڈ کو تین میچوں کی سیریز میں دو صفر سے واضح برتری حاصل ہوگئی۔
اس سے قبل ہملٹن میں کھیلے جانے والے دوسرے ون ڈے میچ میں نیوزی لینڈ کی ٹیم مقررہ 50 اوورز میں 8 وکٹوں کے نقصان پر 292 رنز بنا سکی۔
کیویز وکٹ کیپر مچل ہے نے 78 گیندوں پر ناقابل شکست 99 رنز بنائے۔ان کی اس اننگ میں سات چھکے اور سات چوکے شامل تھے، نک کیلی 31 رنز بناکر حارث رؤف کی بال پر آؤٹ ہوئے۔
ان کے علاوہ محمد عباس 41 رنز بنا کر نمایاں رہے، پاکستان کی جانب سے محمد وسیم جونیئر اور سفیان مقیم نے دو دو جبکہ فہیم اشرف، عاکف جاوید اور حارث رؤف نے ایک، ایک وکٹ حاصل کی۔
دوسرے ون ڈے میچ میں پاکستانی ٹیم میں 4 تبدیلیاں کی گئی تھیں، عثمان خان، محمد علی، عرفان نیازی اور نسیم شاہ کو پلیئنگ الیون میں شامل نہیں کیا گیا جبکہ امام الحق، فہیم اشرف، وسیم جونیئر اور سفیان مقیم کو ٹیم میں شامل کیا گیا تھا۔
پاکستانی سکواڈ ; قومی سکواڈ میں عبداللہ شفیق، امام الحق، بابر اعظم، محمد رضوان (کپتان)، سلمان آغا، طیب طاہر، فہیم اشرف، محمد وسیم جونیئر، حارث رؤف، سفیان مقیم اور عاکف جاوید شامل ہیں۔
نیوزی لینڈ سکواڈ ; نیوزی لینڈ کی ٹیم رہیس ماریو، نک کیلی، ہینری نکولس، ڈیرل مچل، مائیکل بریسویل (کپتان)، محمد عباس، مچل ہے، نیتھن سمتھ، جیکب ڈفی، بین سیئرز اور ول اورورکی پر مشتمل ہے
