تیسرا ون ڈے: فیلڈر کی تھرو چہرے پر لگنے کے باعث امام الحق زخمی
نیوزی لینڈ کے خلاف تیسرے اور آخری ون ڈے میں قومی ٹیم کے اوپنر امام الحق بیٹنگ کے دوران رننگ کرتے ہوئے چہرے پر گیند لگنے سے زخمی ہوگئے۔
ماؤنٹ مونگانوئی میں کھیلے جا رہے میچ میں پاکستان کی بیٹنگ کے دوران امام الحق کو فیلڈر کی تھرو کی گئی گیند ہیلمٹ کے گرل سے ہوتی ہوئی جبڑے پر جا لگی جس کے باعث امام الحق ریٹائرڈ ہرٹ ہو کر میدان سے باہر چلے گئے۔
ٹیم مینجمنٹ کا کہنا ہے کہ گیند امام الحق کے جبڑے پر لگی، وہ کنکشن ٹیسٹ پاس کرنے میں ناکام رہے، ان کی جگہ عثمان خان بیٹنگ کریں گے۔
ٹیم مینجمنٹ کے مطابق اوپننگ بیٹر امام الحق کو گراؤنڈ میں موجود ایمرجنسی سینٹر میں طبی سہولت دی جا رہی ہے، ضرورت پڑنے پرامام الحق کو ہسپتال لے جایا جائے گا۔
