نیوزی لینڈ سے شکست پر شائقین برہم، خوشدل شاہ فیز کے طنز پر بھڑک اُٹھے
ماؤنٹ مونگانوئی : (ویب ڈیسک) قومی ٹیم کو نیوزی لینڈ کے ہاتھوں پے در پے شکستوں کے باعث گراونڈ میں موجود پاکستانی شائقین کرکٹ برہم دکھائی دیئے۔
ماؤنٹ مونگانوئی میں کھیلے گئے سیریز کے تیسرے ون ڈے میچ میں میزبان نیوزی لینڈ نے پاکستان کو شکست دیکر کلین سویپ مکمل کیا، میچ کے اختتام پر فینز کی جانب سے ناقص کارکردگی کا مظاہرہ کرنے پر پاکستانی ٹیم پر طنزیہ وار کئے گئے جس پر آل راؤنڈر خوشدل شاہ بھڑک اُٹھے۔
آل راؤنڈر خوشدل شاہ فینز کی جانب حملہ کرنے کیلئے بڑھے تاہم سکیورٹی اہلکاروں اور کھلاڑیوں نے انہیں روک لیا اور بیچ بچاؤ کرایا۔
دوسری جانب سوشل میڈیا پر گردش کرنیوالی تصاویر پر بورڈ انتظامیہ نے اپنا ردعمل دیتے ہوئے غیر ملکی شائقین کی جانب سے قومی پلیئرز سے بد زبانی کی مذمت کی گئی۔
پی سی بی ترجمان کا کہنا ہے کہ غیر ملکی شائقین نے گراؤنڈ میں موجود کرکٹرز بارے نازیبا الفاظ ادا کئے،
پاکستان مخالف آوازیں کسنے پر کرکٹر خوشدل شاہ نے غیر ملکی شائقین کو منع کیا، منع کرنے پر افغان شائقین نے پشتو میں مزید نازیبا الفاظ ادا کیے، دو افغان شائقین نے خوشدل شاہ سے ہاتھا پائی کی کوشش بھی کی۔
بعدازاں پاکستانی ٹیم کی شکایت پر 2 غیر ملکی شائقین کو سٹیڈیم سے باہر نکال دیا گیا۔
