نیشنل پیڈل چیمپئن شپ 11 اپریل سے کراچی شروع ہو گی.
پاکستان پیڈل فیڈریشن کے زیر اہتمام نیشنل پیڈل چیمپئن شپ 11 اپریل سے(Padelverse ) کراچی شروع ہو گی۔ ان خیالات کا اظہار گزشتہ روز پاکستان پیڈل فیڈریشن کے صدر محمد متین نے کیا۔
انہوں نے کہا کہ یہ پیڈل کے شوقین افراد کے لئے یہ ایک پریمیئر ایونٹ ثابت ہو گا۔ نیشنل پیڈل چیمپئن شپ 2025 میں تین کیٹگریز کے مقابلے رکھے گئے ہیں جن میں مردوں، خواتین اور میکسڈ مقابلے شامل ہیں۔
انہوں نے کہا کہ پاکستان پیڈل فیڈریشن نے کھیل میں وسیع پیمانے پر شرکت کرنے والے کھلاڑیوں کی حوصلہ افزائی کرنے کے لئے تمام شرکاء کے لئے ایک قومی پیڈل لائسنس مفت جاری کرے گی
اور ٹورنامنٹ میں کھلاڑیوں کے لئے انعامی رقم رکھی گئی ہے اور کے علاوہ کامیابی حاصل کرنے والے کھلاڑیوں میں ٹرافیاں، میڈلز، اسناد اور شیلڈز کے علاوہ دیگر انعامات بھی تقسیم کئے جائیں گے۔
انہوں نے کہا کہ چیمپئن شپ میں شاندار کارکردگی دکھانے والےکھلاڑیوں کو قومی ٹیم میں شامل کیا جائے گا اور منتخب ٹیم روواں برس اکتوبر میں سعودی عرب (ریاض) میں کھیلی جانے والی ایشین پیڈل چیمپئن شپ میں شرکت کرے گی۔
