سر سبز بابا گرونانک انٹرنیشنل کبڈی کپ ; ایران اور انڈیا کی کبڈی ٹیمیں لاہور پہنچ گئی

سر سبز بابا گرونانک انٹرنیشنل کبڈی کپ ; ایران کی کبڈی ٹیم لاہور پہنچ گئی

پاکستان کبڈی فیڈریشن کے زیر اہتمام سر سبز تین ملکی بابا گرونانک انٹرنیشنل کبڈی کپ سولہ اپریل سے لاہور میں شروع ہورہا ہے جس میں شرکت کے لیے ایران کی ٹیم لاہور پہنچ گئی ہے،

علامہ اقبال ائرپورٹ پر پاکستان کبڈی فیڈریشن کے حکام نے مہمان کھلاڑیوں کا بھرپور استقبال کیا،

انڈین ٹائیگر کبڈی ٹیم کی بھی لاہور آمد ہوئی،بھارت کے شرومنی گردوارا پربندھک کمیٹی کی ٹیم انٹرنیشنل کبڈی کپ میں شرکت کرے گی ۔ پاکستان کبڈی فیڈریشن کے حکام نے واہگہ بارڈر پر انڈین ٹائیگر ٹیم کا استقبال کیا

واپڈآ سپورٹس کمپلیکس میں شیڈول تین روزہ سر،سبز بابا گرونانک انٹرنیشنل کبڈی کپ کے لیے تمام تیاریاں مکمل کرلی گَئَی ہیں۔

پاکستان کبڈی فیڈریشن کے سیکرٹری رانا محمد سرور کے مطابق پاکستان میں سرسبز انٹرنیشنل کبڈی کپ کو یقینی بنانے میں صوبائی وزیر صعنت وتجارت اور فیڈریشن کے صدرچودھری شافع حسین نے اہم کردار ادا کیاہے،

صدرپاکستان کبڈی فیڈریشن نے ایران اور بھآرت کی کبڈی فیڈریشنز حکام کو پاکستان میں کھیلنے کے لیے تیار کیاہے، جس کے بعد چودھری شافع حسین کی زیر نگرانی تمام معاملات کو حتمی شکل دی گئی ہے۔

غیرملکی ٹیموں کو ہمیشہ کی طرح حکومت کی جانب سے فول پروف سکیورٹی فراہم کی جائے گی۔انٹرنیشنل کرکٹ اور انٹرنیشنل ہاکی کے ساتھ اب سر سبز انٹرنیشنل کبڈی ایونٹ سے پاکستان کےمثبت امیج کو دنیا بھر میں پروموٹ کرنے میں مدد ملے گی،

پاکستان کبڈی شائْقین کو ایران ، بھآرت اور پاکستان کے کبڈی کے معروف کھلاڑیوں کو اپنی سرزمین پر کھیلتے ہوئے دیکھنے کا موقع بھی ملےگا،

یقین ہے کہ اس ایونٹ سے نوجوان کی بڑی تعداد کبڈی کی طرف راغب ہوگی۔