پی ایس ایل x :ملتان سلطانز نے لاہور قلندرز کو 33 رنز سے شکست دے دی
ملتان سلطانز کی ٹیم نے 228 رنز اسکور کیے، جبکہ جواب میں لاہور قلندرز کی ٹیم 9 وکٹوں کے نقصان پر 195 رنز بنا سکی۔
پی ایس ایل 10 کے 12 ویں میچ میں ملتان سلطانز نے لاہور قلندرز کو 33 رنز سے شکست دے دی۔
ملتان کرکٹ اسٹیڈیم میں کھیلے گئے میچ میں لاہور قلندرز کی ٹیم ملتان سلطانز کی جانب سے 229 رنز کا پہاڑ جیسا ہدف حاصل کرنے میں ناکام رہی مقررہ اوورز میں 9 وکٹوں کے نقصان پر 195 رنز ہی بنا سکی۔
یہ ملتان سلطانز کی ٹورنامنٹ میں پہلی جیت ہے جب کہ پوائنٹس ٹیبل پر 4 میچز کے بعد ملتان کی ٹیم آخری نمبر پر موجود ہے۔
ہدف کے تعاقب میں لاہور کی جانب سے سکندر رضا 50، سیم بلنگز 43 جب کہ فخر زمان 32 رنز بنا کر نمایاں رہے۔ سلطانز کی جانب سے عبید شاہ نے تین جب کہ اسامہ میر اور بریسویل نے دو دو کھلاڑیوں کو آوٹ کیا۔
میچ کے آغاز پر ملتان سلطانز نے لاہور قلندرز کے خلاف ٹاس جیت بیٹنگ کا فیصلہ کیا۔
ملتان سلطانز کی جانب سے یاسر خان نے 87 رنز کی شاندار اننگز کھیلی، ان کے علاوہ افتخار احمد 40 رنز اور عثمان خان 39 رنز کے ساتھ نمایاں رہے۔
لاہور کے رشاد حسین نے دو، سکندر رضا، شاہین اور آصف آفریدی نے ایک ایک کھلاڑی کو آوٹ کیا۔
ٹاس کے بعد گفتگو میں ملتان سلطانز کے کپتان محمد رضوان کا کہنا تھا کہ پچ اچھی ہے اس لیے بیٹنگ کا فیصلہ کیا،کوشش کریں گے اچھا اسکور کریں۔
ملتان سلطانز اسکواڈ ; ملتان سلطان کی ٹیم میں محمد رضوان قیادت کررہے ہیں، اس کے علاوہ یاسر خان، عثمان خان، کامران غلام، مائیکل بریسویل، افتخار احمد، ایشٹن ٹرنر، ڈیوڈ ولی، اسامہ میر، عبید شاہ اور جوشوا لٹل اسکواڈ کا حصہ ہیں۔
لاہور قلندرز اسکواڈ ; لاہور قلندرز کی ٹیم کپتان شاہین شاہ آفریدی کے علاوہ فخر زمان، محمد نعیم، عبداللہ شفیق، ڈیرل مچل، سیم بِلنگز (وکٹ کیپر)، سکندر رضا، رشاد حسین، حارث رؤف، زمان خان، آصف آفریدی پر مشتمل ہے۔
