جے ڈی ڈبلیو نے پریذیڈنٹس ٹرافی گریڈ-ٹو میں چوتھے میچز میں تیسری فتح سمیٹ لی
راولپنڈی; ملتان سلطانز کی ڈیولپمنٹ ٹیم جے ڈی ڈبلیو نے پریذیڈنٹس ٹرافی گریڈ-ٹو میں شاندار کارکردگی کا مظاہرہ کرتے ہوئے پیر کو شعیب اختر اسٹیڈیم راولپنڈی میں آرمی کو ایک اننگز اور 17 رنز سے شکست دے کر چار میچز میں اپنی تیسری کامیابی حاصل کرلی۔
مجید علی نے پہلی اننگز میں 33 رنز کے عوض پانچ وکٹیں لینے کے بعد دوسری اننگز میں بھی شاندار باؤلنگ کرتے ہوئے 64 رنز دے کر چار کھلاڑیوں کو پویلین بھیجا۔
محمد جنید نے بھی عمدہ باؤلنگ کا مظاہرہ کرتے ہوئے 11.1 اوورز میں 38 رنز کے عوض پانچ وکٹیں حاصل کیں۔ اس سے قبل وہ پہلی اننگز میں بھی دو وکٹیں لے چکے تھے۔
جے ڈی ڈبلیو نے اپنی پہلی اننگز کا آغاز 164 رنز پانچ کھلاڑی آؤٹ پر دوبارہ کیا اور 60 اوورز میں 278 رنز بنا کر آؤٹ ہوئی۔ اس سے انہیں آرمی پر 160 رنز کی بھاری برتری حاصل ہوگئی تھی، جنہوں نے اتوار کو اپنی پہلی اننگز میں صرف 118 رنز بنائے تھے۔
جہانزیب سلطان نے جے ڈی ڈبلیو کی جانب سے سب سے نمایاں اننگز کھیلی، انہوں نے 49 گیندوں پر 71 رنز بنائے، جس میں چھ چوکے اور پانچ چھکے شامل تھے۔
اسکورز: آرمی پہلی اننگز: 118 تمام آؤٹ، 38.2 اوورز (محمد عاطف 42؛ مجید علی 5-33، ہمایوں الطاف 2-9، محمد جنید 2-46)
جے ڈی ڈبلیو پہلی اننگز: 278 تمام آؤٹ، 60 اوورز (جہانزیب سلطان 71، ہمایوں الطاف 70، ہارون ارشد 49، علی عمران 22؛ فواد الحسن 3-61، محمد فیضان 3-40، عمیر خان 2-60)
آرمی دوسری اننگز: 143 تمام آؤٹ، 36.1 اوورز (محمد جنید 5-38، مجید علی 4-64)
نتیجہ: جے ڈی ڈبلیو نے ایک اننگز اور 17 رنز سے کامیابی حاصل کی۔
