پاکستانی کرکٹ کی تاریخ کا سب سے بڑا ٹیلنٹ ہنٹ پروگرام شروع

پاکستانی کرکٹ کی تاریخ کا سب سے بڑا ٹیلنٹ ہنٹ پروگرام شروع.

ملک بھر میں 1847 سکولوں اور کالجوں نے رجسٹریشن کرا لی

سکولز اور کالجز کے لئے رجسٹریشن کرانے کی آخری تاریخ 10 مئی مقرر۔

رجسٹریشن مکمل ہونے کے بعد تعلیمی ادارے ایک ماہ کے اندر کھلاڑی رجسٹرڈ کراسکیں گے

لاہور۔ پی سی بی کے تحت پاکستان کرکٹ کی تاریخ کا سب سے بڑا ٹیلنٹ ہنٹ پروگرام شروع ہو گیا ہے۔ملک بھر میں 1847 سکولوں اور کالجوں نے ٹیلنٹ ہنٹ پروگرام میں اب تک رجسٹریشن کروا لی ہے۔

سکولز اور کالجز کے لئے رجسٹریشن کرانے کی آخری تاریخ 10 مئی مقرر کی گئی ہے اور رجسٹریشن مکمل ہونے کے بعد تمام تعلیمی ادارے ایک ماہ کے اندر اپنے کھلاڑی رجسٹرڈ کراسکیں گے۔

سکول و کالج https://registration.pcb.com.pk/  پر 10 مئی تک رجسٹریشن کرا سکتے ہیں۔ ڈائریکٹر ڈومیسٹک کرکٹر عبداللہ خرم نیازی نے کہا ہے کہ ٹیلنٹ ہنٹ پروگرام میں سکولوں و کالجوں کی دلچسپی خوش آئند ہے اور اس پروگرام سےکرکٹ کا نیا ٹیلنٹ سامنے آئے گا۔

انہوں نے کہا کہ پاکستان کرکٹ بورڈ کی اولین ترجیح ہے کہ نچلی سطح پر کرکٹ کو منظم کیا جائے جن میں تعلیمی اداروں میں کھیلی جانے والی کرکٹ نمایاں اہمیت رکھتی ہے۔