پی ایس ایل x : کراچی کنگز نے لاہور قلندرز کو 4 وکٹوں سے شکست دیدی
لاہور (ویب ڈیسک) پی ایس ایل 10کے 24ویں میچ میں کراچی کنگز نے لاہور قلندر کو 4 وکٹوں سے شکست دے دی۔
لاہور قلندر نے پہلے بیٹنگ کرتے ہوئے کراچی کنگز کو فتح کے لیے 161 رنز کا ہدف دیا لیکن ڈک ورتھ لوئس سسٹم کے تحت کراچی کنگز کو میچ جیتنے کے لیے 168 رنز کا ٹارگٹ ملا۔
کراچی کی جانب سے عرفان خان 21 گیندوں پر 48 سکور کیے جس میں 5 چھکے اور 2 چوکے شامل تھے، ڈیوڈ وارنر نے 13 گیندوں پر 24 رنز، ٹم سیفرٹ نے 10 گیندوں پر 24 رنز، جیمز وینس نے 12 گیندوں پر 13 سکور، سعاد بیگ نے 15 گیندوں پر 25 رنز بنائے۔
لاہور قلندر کی جانب سے اوپننگ بلے باز فخر زمان نے 51 اور محمد نعیم نے 65 رنز کی اننگز کھیلی، عبدالشفیق نے 18 سکور کیے،
کراچی کنگز کی جانب سے عباس آفریدی نے تباہ کن باولنگ کرتے ہوئے 4 کھلاڑیوں کو پویلین کی راہ دکھائی۔ کراچی کنگز کی جانب سے میر حمزہ ، حسن علی اور عامر جمال نے 1-1 کھلاڑی کو پویلین کی راہ دکھائی،
میچ کو بارش کے باعث 15-15 اوورز تک محدود کیا گیا ہے۔ دونوں سکواڈ میں کوئی تبدیلی نہیں کی گئی ہے،
لاہور قلندرز کی کمان شاہین شاہ آفریدی کے ہاتھوں میں ہے جبکہ کراچی کنگز کو ڈیوڈ وارنر لیڈ کررہے ہیں۔
اسی طرح سے پی ایس ایل کی پوائنٹس ٹیبل پر کوئٹہ گلیڈی ایٹرز 11 پوائنٹس کے ساتھ پہلی پوزیشن پر ہے جبکہ اسلام آباد یونائیٹڈ 10 پوائنٹس کے ساتھ دوسرے نمبر پر ہے۔
اس میچ کے بعد کراچی کنگز 10 پوائنٹس کے ساتھ تیسرے پر جبکہ لاہور قلندرز نو پوائنٹس کے ساتھ چوتھی پوزیشن پر آگئی ہے۔
لاہور قلندرز کا سکواڈ: شاہین شاہ آفریدی (کپتان)، فخر زمان، محمد نعیم، عبداللہ شفیق، ڈیرل مچل، سیم بلنگز (وکٹ کیپر)، سکندر رضا، آصف علی، رشاد حسین، حارث رؤف، آصف آفریدی
کراچی کنگز کا سکواڈ: ڈیوڈ وارنر (کپتان)، ٹم سائفرٹ (وکٹ کیپر) ، جیمز وینس، سعد بیگ، خوشدل شاہ، عرفان خان نیازی، محمد نبی، عامر جمال، عباس آفریدی، حسن علی، میر حمزہ
