اپنی کامیابی پاک فوج کے نام کرتا ہوں ، باکسر شہیر آفریدی
باکسر شہیر آفریدی کا کہنا ہے کہ میں اپنی کامیابی پاک فوج کے نام کرتا ہوں، اگر ملکی دفاع کے لیے جان دینی پڑی تو جان قربان کردوں گا۔
وطن واپسی کے بعد ائیر پورٹ پر میڈیا سے گفتگو میں ان کا کہنا تھا کہ میں نے جنوری میں سائن کیا تھا ابھی جاکر فائٹ کرنے میں کامیاب ہوا ہے۔یہ فائٹ جیتنے کے لئے بہت محنت کی ،دس راؤنڈ کی فائٹ کو چوتھے راؤنڈ میں اسے شکست دے کر ختم کیا۔
بولے کہ الحمد للہ میں نے پاکستان کا نام روشن کیا، اور بھارت کو شکست دی،میں بھی گلی محلے کے کلب سے نکل کر یہاں تک پہنچا ہوں۔میں سندھ پولیس اور بلاول بھٹو کا شکریہ ادا کرنا چاہتاہوں انہوں نے مجھے سپورٹ کیا۔
ان کا کہنا تھا کہ میرے والد نے ہر وقت میرے اوپر محنت کی اور آج الحمدللہ یہاں تک پہنچا ہوں۔ پاکستان میں بہت سارے کلب موجود ہے اور ٹیلنٹ ہے ان کو آگےلانے کی ضرورت ہے۔
انہوں نے کہا کہ بھارت کے ساتھ سیاسی معاملات اپنی جگہ اس کو وہی رکھنا ہے کھیل کو کھیل کی حد تک رکھنا چاہیے۔سپورٹرز کی وجہ سے ہی آج کامیابی ممکن ہوئی، تمام سپورٹر زکا شکریہ ادا کرتا ہوں۔
