پاک بھارت کشیدگی، پاکستان بنگلہ دیش ٹی 20 سیریز ملتوی ہونے کا امکان
ٹی 20 میچز پر مشتمل سیریز 25 مئی سے 3 جون تک پاکستان میں شیڈول ہے
پاک بھارت کشیدگی، پاک بنگلہ دیش ٹی 20 سیریز ملتوی ہونے کا امکان
ٹی 20 میچز پر مشتمل سیریز 25 مئی سے 3 جون تک پاکستان میں شیڈول ہے
پاک بھارت حالیہ کشیدگی کے باعث پاکستان اور بنگلادیش کے درمیان مجوزہ ٹی ٹوئنٹی سیریز کے شیڈول پر اثرات پڑنے کا خدشہ پیدا ہو گیا ہے۔
ذرائع کے مطابق دونوں ممالک کے درمیان پانچ ٹی ٹوئنٹی میچز پر مشتمل سیریز 25 مئی سے 3 جون تک پاکستان میں شیڈول ہے، تاہم موجودہ صورتحال کے باعث اس کے ملتوی ہونے کا امکان ظاہر کیا جا رہا ہے۔
بنگلہ دیشی ٹیم کو 21 مئی کو پاکستان پہنچنا ہے جبکہ ابتدائی دو میچز فیصل آباد اور باقی تین میچز لاہور میں کھیلے جانے تھے۔
تاہم پاک بھارت تناؤ کے پیش نظر پاکستان کرکٹ بورڈ اور بنگلہ دیش کرکٹ بورڈ کے درمیان مشاورت جاری ہے اور جلد سیریز کے مستقبل کا فیصلہ متوقع ہے۔
یاد رہے کہ پاکستان سپر لیگ (پی ایس ایل) سیزن ٹین بھی اسی کشیدہ حالات کے باعث متحدہ عرب امارات منتقل کی جا چکی ہے اور اب صرف بقیہ میچز کے نئے شیڈول کا اعلان باقی ہے۔
