پاکستان نے بنگلا دیش کے خلاف ٹی ٹوئنٹی سیریز کے لیے 16 رکنی اسکواڈ کا اعلان کر دیا ہے۔
پاکستان اور بنگلا دیش کے درمیان تین ٹی ٹوئنٹی میچز لاہور میں کھیلے جائیں گے، جبکہ میچز کے شیڈول کا اعلان مقررہ وقت پر کیا جائے گا۔
اس سیریز میں قومی ٹیم کی قیادت سلمان علی آغا کریں گے، جبکہ شاداب خان کو نائب کپتان مقرر کیا گیا ہے۔ دیگر کھلاڑیوں میں ابرار احمد، فہیم اشرف، فخر زمان، حارث رؤف، حسن علی، حسن نواز، حسین طلعت، محمد عرفان خان، خوشدل شاہ، محمد حارث (وکٹ کیپر)، محمد وسیم جونیئر، نسیم شاہ، صاحبزادہ فرحان (وکٹ کیپر) اور صائم ایوب شامل ہیں۔
عبدالصمد، جہانداد خان، عباس آفریدی اور فاسٹ بولر شاہین آفریدی کو اسکواڈ میں شامل نہیں کیا گیا۔ یاد رہے کہ شاہین آفریدی اس سے قبل دورۂ نیوزی لینڈ میں ٹی ٹوئنٹی اسکواڈ کا حصہ تھے۔
اس کے علاوہ محمد علی، عمیر بن یوسف، سفیان مقیم اور عثمان خان کو بھی ٹیم سے ڈراپ کر دیا گیا ہے۔
