قلندرز کی شاندار پرواز؛ اسلام آباد کو 95 رنز سے روند کر فائنل میں انٹری

پی ایس ایل ایلیمینیٹر 2: اسلام آباد یونائیٹڈ کو شکست، لاہور قلندرز کی فائنل میں انٹری

 قذافی سٹیڈیم میں 203 رنز کے تعاقب میں اسلام آباد یونائیٹڈ کی بیٹنگ لائن تاش کے پتوں کی طرح بکھر گئی اور پوری ٹیم 16 ویں اوور میں 107 رنز بنا کر آؤٹ ہو گئی

لاہور: قذافی سٹیڈیم میں 203 رنز کے تعاقب میں اسلام آباد یونائیٹڈ کی بیٹنگ لائن تاش کے پتوں کی طرح بکھر گئی اور پوری ٹیم 16 ویں اوور میں 107 رنز بنا کر آؤٹ ہو گئی

سلمان آغا 33، کپتان شاداب خان 26، جیمی نیشم 8، عماد وسیم 8، وین ڈر ڈوسین 7، ٹائمل ملز 7، حیدر علی 4، صاحبزادہ فرحان 3 جبکہ نسیم شاہ اور محمد شہزاد بغیر کوئی رن بنائے آؤٹ ہوئے۔

قلندرز کی جانب سے کپتان شاہین شاہ آفریدی، سلمان مرزا اور رشاد حسین نے 3، 3 کھلاڑیوں کو آؤٹ کیا۔

اس سے قبل لاہور قلندرز نے ٹاس جیت کر پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 202 رنز اسکور کیے۔

قلندرز کی جانب سے کوشل پریرا 61 رنز بنا کر نمایاں رہے۔ محمد نعیم 50، عبداللہ شفیق 25، بھانوکا راجاپکشا 22، آصف علی 15، فخر زمان 12 جبکہ شکیب الحسن بغیر کوئی رن بنائے آؤٹ ہوئے۔

رشاد حسین 5 اور کپتان شاہین شاہ آفریدی 0 رن پر ناٹ آؤٹ پویلین لوٹے۔

اسلام آباد یونائیٹڈ کی جانب سے ٹائمل ملز نے 3، سلمان ارشاد نے 2 جبکہ عماد وسیم اور جیمی نیشم نے 1، 1 کھلاڑی کو آؤٹ کیا۔

لاہور قلندرز اور کوئٹہ گلیڈی ایٹرز کے درمیان فائنل 25 مئی بروز اتوار کو قذافی اسٹیڈیم لاہور میں کھیلا جائے گا۔

واضح رہے کہ 21 مئی کو کھیلے گئے پہلے کوالیفائر میچ میں کوئٹہ گلیڈی ایٹرز نے اسلام آباد یونائیٹڈ کو 30 رنز سے شکست دے کر فائنل کے لیے کوالیفائی کیا تھا۔

جبکہ جمعرات کو ایلیمنیٹر میچ میں لاہور قلندرز نے کراچی کنگز کو چھ وکٹوں سے شکست دے دی تھی۔

اس میچ کے لیے دونوں ٹیموں کے سکواڈز درج ذیل تھے:

لاہور قلندرز: فخر زمان، محمد نعیم، عبداللہ شفیق، کُوشل پریرا، بھنوکا راجہ پکسا، آصف علی، شکیب الحسن، شاہین شاہ آفریدی (کپتان)، حارث رؤف، رشاد حسین، سلمان مرزا۔

اسلام یونائیٹڈ: صاحبزادہ فرحان، حیدر علی، راسی وین ڈر دوسن، سلمان آغا، شاداب خان (کپتان)، جیمز نیشم، عماد وسیم، ٹیمل ملز، نسیم شاہ، محمد شہزاد، سلمان ارشاد۔