ایشین کرکٹ کونسل (اے سی سی) نے ایشیا کپ 2025 کے میچوں کے اوقات کار میں ردوبدل کردیا ہے۔
نئے شیڈول کے مطابق میچز یو اے ای کے وقت کے مطابق شام 6 بج کر 30 منٹ اور پاکستان کے وقت کے مطابق رات 7 بج کر 30 منٹ پر شروع ہوں گے۔
15 ستمبر کو ڈبل ہیڈر شیڈول ہے۔ اس روز ابوظبی میں یو اے ای اور عمان کا میچ سہ پہر 4 بج کر 30 منٹ پر کھیلا جائے گا، جب کہ دبئی میں سری لنکا اور ہانگ کانگ کے درمیان مقابلہ شام 6 بج کر 30 منٹ پر ہوگا۔
اوقات کار میں یہ تبدیلی موسم کی صورتحال اور شائقین کی سہولت کو مدنظر رکھتے ہوئے کی گئی ہے۔
خیال رہے کہ اس سے قبل جاری شیڈول میں میچز شام 6 بجے شروع ہونے تھے۔
