سکواش

ایچیسن نیشنل جونیئر اوپن اسکواش چیمپئن شپ: انیس رفیع اور سہیل عدنان چیمپئن قرار

ایچیسن نیشنل جونیئر اوپن اسکواش چیمپئن شپ: انیس رفیع اور سہیل عدنان چیمپئن قرار

لاہور : چوتھی ایچیسن نیشنل جونیئر اوپن اسکواش چیمپئن شپ 2025 کا شاندار اختتام ہفتہ کے روز ایچیسن کالج میں ہوا، جہاں بوائز انڈر-11 میں انیس رفیع (پی اے ایف) اور بوائز انڈر-15 میں سہیل عدنان (ایس این جی پی ایل) نے شاندار کارکردگی کا مظاہرہ کرتے ہوئے اپنے اپنے کیٹگری کے ٹائٹل اپنے نام کیے۔

تین روزہ ٹورنامنٹ (27 تا 29 نومبر) میں ملک بھر سے باصلاحیت جونیئر کھلاڑیوں نے شرکت کی۔ انڈر-11 کے فائنل میں انیس رفیع نے اپنے ہی ادارے کے کھلاڑی سمیر خان کو 29 منٹ کے سخت مقابلے کے بعد 3-1 سے شکست دی۔ اسکور: 10–12، 12–10، 11–5، 11–4۔

انڈر-15 کے فائنل میں سہیل عدنان نے فائزن علی خان (آرمی) کو صرف 18 منٹ میں 3-0 سے زیر کر کے چیمپئن شپ جیت لی۔ اسکور: 11–4، 11–4، 11–6۔

اختتامی تقریب میں پاکستان اسکواش کے سینئر حکام سہیل خان (وائس پریزیڈنٹ، پاکستان اسکواش فیڈریشن)، محمد منصور (وائس پریزیڈنٹ ایڈمن، پاکستان اسکواش ایسوسی ایشن) اور مامون خان (ٹورنامنٹ ڈائریکٹر) شریک ہوئے،

جبکہ مہمانِ خصوصی میان ایم اے شاہد (چیئرمین، یونائیٹڈ گروپ) نے کامیاب کھلاڑیوں میں ٹرافیاں، تمغے اور اسناد تقسیم کیں۔ حکام نے ٹورنامنٹ کے شاندار انعقاد پر منتظمین کی کاوشوں کو سراہا

اور نوجوان کھلاڑیوں کی عمدہ کارکردگی کی تعریف کی، جبکہ مہمانِ خصوصی نے اسکواش کے فروغ کے لیے مکمل تعاون کی یقین دہانی کرائی۔

Related Articles

Back to top button
error: Content is protected !!