ٹیسٹ رینکینگ:بابر اعظم کیریئر کی بہترین پوزیشن پر پہنچ گئے

دبئی(سپورٹس لنک رپورٹ):انٹرنیشنل کرکٹ کونسل (آئی سی سی) نے تازہ ترین ٹیسٹ رینکنگ جاری کردی۔

آئی سی سی کی تازہ ترین رینکنگ کے مطابق پاکستانی بلے باز بابر اعظم ٹیسٹ بیٹنگ رینکنگ میں پہلی بار ٹاپ فائیو میں جگہ بنانے میں کامیاب ہوگئے ہیں۔

رینکنگ کے مطابق بھارتی بلے باز ویرات کوہلی پہلے، آسٹریلیا کے اسٹیون اسمتھ دوسرے، مارنس تیسرے اور کین ولیم سن چوتھے نمبر پر ہیں جب کہ بابر اعظم پانچویں نمبر پر ہیں۔

بابر اعظم نے بنگلا دیش کے خلاف ٹیسٹ سیریز میں سنچری کی بدولت 2 درجے ترقی کرتے ہوئے ساتویں سے پانچویں پوزیشن حاصل کی ہے۔
ٹیسٹ بولنگ رینکنگ کے مطابق آسٹریلیا کے پیٹ کمنز پہلے اورنیوزی لینڈ کے نیل ویگنر دوسرے نمبر پر ہیں۔