کوالیفائنگ راؤنڈ اور پھر ورلڈ کپ ملتوی ہونے سے مایوسی ہوئی،بسمہ معروف

لاہور(سپورٹس لنک رپورٹ)کپتان پاکستان وویمن کرکٹ ٹیم بسمہ معروف کا کہنا ہے کہ انٹرنیشنل ایونٹس نہ ہونے سے اب ہمیں ڈومیسٹک کرکٹ پر فوکس کرنا ہوگا، ان کا کہنا ہے کہ کرکٹ کو بہت مس کر رہی ہوں گھربیٹھنا مشکل ہے ۔بسمہ معروف کاکہنا ہے کہ کوالیفائنگ راؤنڈ اور پھر ورلڈ کپ ملتوی ہونے سے مایوسی ہوئی ہے ، پر امید ہوں کہ حلات جلد نارمل ہوں گے اور سرگرمیاں شروع ہوں گی ۔

انہوں نے کہا کہ خواہش ہے کہ گراؤنڈز میں کرکٹ کی سرگرمیاں جلد شروع ہوں۔کپتان پاکستان وویمن کرکٹ ٹیم نے کہا کہ کووڈ19 کی وجہ سے ویمن کرکٹ کوزیادہ نقصان ہوا ہے، وویمن کرکٹ پہلے ہی کم ہو تی تھی اب کووڈ19 کی وجہ سے وہ بھی رکی ہوئی ہے۔

انہوں نے کہا کہ ہمارے ڈومیسٹک ٹورنامنٹس بھی ملتوی ہو ئے ہیں، پی سی بی ضرور بائیو سیکور ماحول اور ایس اوپیز بنا ہو رہا ہو گا، امید ہے کہ جب حالات نارمل ہوں گے تو بھی ہم ڈومیسٹک پر فوکس کریں گے۔