شعیب اختر نے اینڈریو سائمنڈز کی یادگار ویڈیو شیئر کردی

قومی کرکٹ ٹیم کے سابق فاسٹ بالر شعیب اختر نے آسٹریلین لیجنڈری کرکٹر اینڈریو سائمنڈز کی یادگار ویڈیو شیئر کردی۔شعیب اختر نے اپنے تصدیق شدہ ٹوئٹر اکائونٹ پر 2015 کی یادگار ویڈیو شیئر کی جس میں شین وارن، اینڈریو سائمنڈز، سچن ٹنڈولکر اور ثقلین مشتاق کو دیکھا جاسکتا ہے جبکہ شعیب اختر ویڈیو بنارہے ہیں۔ویڈیو میں دیکھا جاسکتا ہے کہ یہ تمام لیجنڈری کرکٹرز گرائونڈ میں موجود ہیں۔ٹوئٹر پر ویڈیو شیئر کرتے ہوئے بتایا کہ یہ ویڈیو 2015 کے امریکا کے دورے کی ہے جہاں میں نے سچن ٹنڈولکر کے لیے کھیلا تھا جبکہ اینڈریو سائمنڈز نے شین وارن کے لیے کھیلا تھا۔انہوں نے دکھی انداز میں لکھا کہ یہ یقین کرنا مشکل ہے کہ اب اینڈریو سائمنڈز اور شین وارن ہمارے درمیان نہیں ہیں۔

Memorable interaction during USA trip in 2015. I was playing for @sachin_rt and Symonds was playing for @ShaneWarne.
Its so hard to digest that him & warnie are both not with us anymore.
Symonds said "i will hit you straight into that screen that there will be fireworks in it" pic.twitter.com/Benqcrt61F

— Shoaib Akhtar (@shoaib100mph) May 16, 2022

ویڈیو میں سائمنڈز مزاحیہ انداز میں شعیب اختر سے کہہ رہے ہیں کہ میں آپ کو سیدھا اس اسکرین پر ماروں گا کہ اس میں آتش بازی ہوگی۔واضح رہے کہ آسٹریلین کرکٹ لیجنڈ اینڈریو سائمنڈز کار حادثے میں ہلاک ہوگئے۔امریکی میڈیا کے مطابق سابق کرکٹر اینڈریو سائمنڈز کی کار کو حادثہ ٹاونزول کے قریب پیش آیا۔46 سالہ سائمنڈز نے 198 ون ڈے، 26 ٹیسٹ اور 14 ٹی ٹوئنٹی انٹرنیشنل میچز میں آسٹریلیا کی نمائندگی کی۔ اینڈریو سائمنڈز دو مرتبہ ورلڈ چیمپئن اسکواڈ کا حصہ بھی رہے۔