پاکستان شاہینز کا ٹریننگ کیمپ کراچی میں شروع

پاکستان شاہینز ٹریننگ کیمپ – حنیف محمد ہائی پرفارمنس سنٹر کراچی

اے سی سی مینز ایمرجنگ ٹیمز ٹی ٹوئنٹی ایشیا کپ کی تیاری کے لئے پاکستان شاہینز کا ٹریننگ کیمپ کراچی میں شروع

کیمپ کے پہلے دن کپتان محمد حارث سمیت سات کھلاڑیوں نے ہیڈ کوچ عمر رشید، بیٹنگ کوچ عمران فرحت اور فیلڈنگ کوچ رفعت اللہ مہمند کی نگرانی میں ٹریننگ کی۔

پاکستان شاہینز کے کھلاڑیوں نے بیٹنگ، بائولنگ اور فیلڈنگ سیشنز میں حصہ لیا۔

پاکستان شاہینز اسکواڈ کے بقیہ آٹھ کھلاڑی، عبدالصمد، عرفات منہاس، مہران ممتاز، محمد عباس آفریدی، حسیب اللہ، عمیر بن یوسف، قاسم اکرم، اور شاہنواز دھانی پریذیڈنٹ کپ کے آخری رائونڈ میں شرکت کے بعد کل کراچی پہنچیں گے۔

پاکستان شاہینز کا ٹریننگ کیمپ 15 اکتوبر تک کراچی میں جاری رہے گا۔