فاسٹ بولر میر حمزہ انجری کا شکار ؛ راولپنڈی ٹیسٹ سے باہر

فاسٹ بولر میر حمزہ انجری کا شکار ہوکر راولپنڈی ٹیسٹ سے باہر

قومی ٹیم کے اہم فاسٹ بولر میر حمزہ انگلینڈ کے خلاف تیسرے ٹیسٹ سے قبل انجری کا شکار ہوگئے۔

راولپنڈی میں انگلینڈ کیخلاف تیسرے ٹیسٹ میچ سے قبل فاسٹ بولر میر حمزہ فٹنس مسائل سے دوچار ہوگئے ہیں اور وہ میچ کیلئے ٹیم کو دستیاب نہیں ہوں گے۔

فاسٹ بولر میر حمزہ کی کمر کے نچلے حصے میں سوزش کی نشاندہی ہوئی ہے اور وہ اس تکلیف کے سبب ٹریننگ سیشن میں بھی شامل نہیں ہوئے۔

پی سی بی میڈیکل پینل نے میر حمزہ کے میڈیکل ٹیسٹ کروائے ہیں جن کی حتمی رپورٹس کا انتظار کیا جارہا ہے۔

رپورٹس سامنے آنے کے بعد ہی علم ہوسکے گا کہ انہیں کتنے عرصے کا آرام دیا جائے گا۔