تبریز شمسی اور کارلوس بریتھ ویٹ کا لاہور قلندرز سے معاہدہ

تبریز شمسی اور کارلوس بریتھ ویٹ کا لاہور قلندرز سے معاہدہ

لاہور قلندرز نے جنوبی افریقا کے کرکٹر تبریز شمسی اور و یسٹ انڈین آل راؤنڈر کارلوس بریتھ ویٹ سے معاہدہ کر لیا۔

دونوں کھلاڑی ویسٹ انڈیز میں ہونیوالی گلوبل سپر لیگ میں لاہور قلندرز کا حصہ ہوں گے۔

ان کے علاوہ انگلینڈ کے ٹام ایبل، لیوک ویلز اور ایڈیم روزنگٹن بھی لاہور قلندرز کی نمائندگی کریں گے جب کہ لوکل پلیئرز کا اعلان بعد میں کیا جائے گا۔

واضح رہے کہ گلوبل سپر لیگ 26 نومبر سے 7 دسمبر تک گیانا میں کھیلی جائے گی۔

ایونٹ میں پاکستان سے لاہور قلندرز کے علاوہ بنگلا دیش کی رنگپور رائیڈرز، انگلینڈ کی ہمپشائر ہاکس، آسٹریلیا کی وکٹوریہ اور ویسٹ انڈیز کی گیانا ایمازون شامل ہیں۔