شان پاکستان اسکول اسپورٹس چیمپئن شپ 31 جنوری سے کراچی میں شروع ہوگی
کراچی: شان پاکستان اسکول اسپورٹس چیمپئن شپ کا آغاز 31 جنوری سے کراچی کے مختلف میدانوں میں ہوگا ، اس حوالے سے چیمپئن شپ کی افتتاحی تقریب کے ایم سی اسپورٹس کمپلیکس کشمیر روڈ میں 31 جنوری کی شام پانچ بجے منعقد ہوگی ،
ایونٹ آرگنائزر و براق اسپورٹس کے چیئرمین عبدالوہاب سلطان کا کہنا ہے کہ چیمپیئن شپ میں گرلز اینڈ بوائز کے پانچ، پانچ گیمز رکھے گئے ہیں
اسکول کی طالبات بیڈمنٹن ، ٹیبل ٹینس ، فٹسال، تھروبال اور باسکٹ بال کے کھیلوں میں حصہ لیں گی جبکہ طلبہ بیڈمنٹن ، ٹیبل ٹینس ، باسکٹ بال ، فٹسال اور کرکٹ کے کھیلوں میں مقابلہ کرتے نظر آئیں گے ۔
اسپورٹس چیمپئن شپ کے مقابلے 14 فروری تک جاری رہیں گے ، رنگا رنگ افتتاحی تقریب کے مہمان خصوصی سابق ٹیسٹ کرکٹر شعیب محمد اور توصیف احمد ہونگے
جبکہ ہاکی اولمپئین سمیع اللہ ، ایچ ای سی کے ڈائریکٹر اسپورٹس جاوید علی میمن ، اسنوکر کے سابق عالمی چیمپئن محمد یوسف سمیت مختلف شخصیات شرکت کرینگی ۔
عبدالویاب سلطان نے بتایا کہ شان پاکستان اسکول اسپورٹس چیمپئن شپ کا یہ دوسرا ایڈیشن ہے اس سے قبل بھی ہم اسکا کا کامیاب انعقاد کرچکے ہیں جس میں 50 سے زائد اسکولز کے ایک ہزار طلبہ و طالبات نے حصہ لیا تھا۔
