پاکستان میں تیزی سے مقبول ہونے والے کھیل پیڈل میں پاکستان کے لیے بڑا اعزاز

پاکستان میں تیزی سے مقبول ہونے والے کھیل پیڈل میں پاکستان کے لیے بڑا اعزاز ۔۔۔

پہلی بار انٹرنیشنل ایونٹ میں پاکستانی کھلاڑی ملک کی نمائندگی کریں گے ۔

پاکستان کے محمد عزیز خان ایف آئی پی انٹرنیشنل برونز ایونٹ میں ان ایکشن ہونگے ۔

محمد عزیز خان ایف آئی پی انٹرنیشنل برونز پیڈل ٹورنامنٹ 2025 میں پاکستان کی نمائندگی کریں گے۔

پاکستانی پیڈل کے کھلاڑی محمد عزیز خان (لائسنس نمبر 174 پی پی یف) ایف آئی پی انٹرنیشنل ایونٹ میں باضابطہ طور پر پاکستان کی نمائندگی کرنے والے پہلے پاکستانی کھلاڑی بن گئے ہیں۔

اس بات کا اعلان گزشتہ روز پاکستان پیڈل فیڈریشن (پی پی ایف) کے صدر محمد متین نے کیا۔

انہوں نے کہا کہ محمد عزیز خان ایف آئی ایف انٹرنیشنل برونز ٹورنامنٹ 2025 میں حصہ لیں گے، جو ہانگ کانگ میں 10 سے 16 مارچ 2025 تک کھیلا جائے گا۔

انہوں نے کہا کہ انٹرنیشنل پیڈل فیڈریشن (ایف آئی پی) نے باضابطہ طور پر شرکاء کی فہرست اپنی ویب سائٹ پر شائع کی ہے، جس میں بیلجیم سے محمد عزیز خان کے ساتھی، مسٹر سیبسٹین گارسیا اورٹیگا کے ساتھ شرکت کی تصدیق کی گئی ہے۔

عزیز خان اس وقت ہانگ کانگ میں ایونٹ کی تیاری سلسلہ میں اپنی پریکٹس میں مصروف ہے، وہ ایک غیر ملکی کوچ کی نگرانی میں سخت تربیت حاصل کر رہے ہیں۔

پاکستان پیڈل فیڈریشن کے صدر، محمد متین اور سیکرٹری جنرل قرت العین نے محمد عزیز خان کو اس تاریخی کامیابی پر دلی مبارکباد پیش کی ہے اس انٹرنیشنل ٹورنامنٹ میں ان کی شرکت عالمی پیڈل کمیونٹی میں پاکستان کی موجودگی کے لیے ایک اہم قدم ہے۔

واضع رہے کہ محمد عزیز خان کا بین الاقوامی سطح پر سفر پاکستان پیڈل فیڈریشن کی جانب سے نیشنل پیڈل لائسنس کے اجراء کے ذریعے ممکن ہوا، جس کے بعد انٹرنیشنل پیڈل فیڈریشن کی جانب سے بین الاقوامی لائسنس کی منظوری سے عالمی مقابلوں میں ان کی شرکت کی راہ ہموار ہوئی۔

پاکستان پیڈل فیڈریشن کے صدر محمد متین نے کہا کہ پاکستان پیڈل فیڈریشن گراس روٹ سطح سے لے کر بین الاقوامی میدان تک پیڈل کی ترقی اور فروغ کے لیے وقف ہے۔

اس کے علاوہ، پی پی ایف پاکستانی پیڈل ٹیم کے کھلاڑیوں کو ایشین پیڈل چیمپئن شپ 2025 میں بھیجنے کی تیاری کر رہا ہے، جو روواں سال اکتوبر 2025 میں سعودی عرب میں منعقد ہوگی۔

محمد متین نے کہا کہ یہ کامیابی بین الاقوامی پیڈل میں پاکستان کی بڑھتی ہوئی موجودگی کا منہ بولتا ثبوت ہے اور ٹیلنٹ کو فروغ دینے اور کھیل کی رسائی کو بڑھانے کے لئے پی پی ایف کے غیر متزلزل عزم کی عکاسی کرتی ہے۔

فیڈریشن مسلسل کامیابی اور عالمی سطح پر بڑھ چڑھ کر حصہ لینے کی منتظر ہے۔