بنگلا دیشی کرکٹر محمود اللہ ریاض نے انٹرنیشنل کرکٹ سے ریٹائرمنٹ کا اعلان کر دیا۔
محمود اللہ آئی سی سی چیمپئنز ٹرافی میں بنگلا دیشی سکواڈ کا حصہ تھے اور ٹیم سے باہر ہونے کے بعد انہوں نے بدھ کو سوشل میڈیا پر ریٹائرمنٹ کا اعلان کیا ہے۔
ریٹائرمنٹ کے پیغام میں محمود اللہ نے ساتھی کھلاڑیوں، کوچز، مداحوں اور اہلخانہ کا شکریہ ادا کیا،ان کا کہنا تھا کہ میں نے انٹرنیشنل کرکٹ سے ریٹائرمنٹ لینے کا فیصلہ کیا ہے،بنگلا دیش کرکٹ کے لیے نیک خواہشات کا اظہار کرتا ہوں۔
خیال رہے کہ محمود اللہ نے2007میں انٹرنیشنل ڈیبیو کیا اور50ٹیسٹ،239ون ڈے اور141ٹی ٹوئنٹی میچز میں بنگلا دیش کی نمائندگی کی،
محموداللہ نے تمام فارمیٹس میں مجموعی طور پر11ہزار سے زائد رنز بنائےجن میں9سنچریاں اور56نصف سنچریاں شامل ہیںجبکہ انہوں نے 166 وکٹیں بھی حاصل کیں۔
