جے-30 پاکستان ورلڈ جونیئر ٹینس؛ حمزہ، احتشام اور ریان سمیت سات پاکستانی فتوحات کے ساتھ نمایاں

جے-30 پی پی ایل ورلڈ جونیئر ٹینس چیمپئن شپ؛ سات پاکستانی کھلاڑیوں کی شاندار کارکردگی، کوارٹر فائنل کے قریب

اسلام آباد - پاکستان کے سات جونیئر ٹینس کھلاڑیوں، حمزہ رومان، احتشام ہمایوں، ریان خان، محمد یحییٰ، عامر مزاری، عبدالباسط اور محمد حسن عثمانی نے راؤنڈ رابن مرحلے کے دوسرے راؤنڈ میں اپنے اپنے میچز جیت کر شاندار کارکردگی کا مظاہرہ کیا۔ 

ان اہم فتوحات کے بعد ساتوں پاکستانی کھلاڑی کوارٹر فائنل میں جگہ بنانے کی دوڑ میں شامل ہیں۔

جے-30 پی پی ایل پاکستان ورلڈ جونیئر ٹینس چیمپئن شپ پاکستان ٹینس فیڈریشن (پی ٹی ایف) ٹینس کمپلیکس، اسلام آباد میں جاری ہے، جس میں 17 ممالک کے 62 کھلاڑی حصہ لے رہے ہیں، 

جن میں 39 بوائز اور 23 گرلز شامل ہیں۔ شریک ممالک میں روس، ہانگ کانگ، چین، تھائی لینڈ، قازقستان، بنگلہ دیش، سنگاپور، سری لنکا، سربیا، آسٹریلیا، اسپین، کینیڈا، بیلاروس، سویڈن، جرمنی، جاپان اور پاکستان شامل ہیں۔

یہ چیمپئن شپ پاکستان پیٹرولیم لمیٹڈ (پی پی ایل) کے تعاون سے منعقد کی جا رہی ہے اور اس سے نوجوان کھلاڑیوں کو بین الاقوامی سطح پر اپنی صلاحیتوں کے اظہار اور ورلڈ ٹینس ٹور جونیئر رینکنگ پوائنٹس حاصل کرنے کا قیمتی موقع میسر آ رہا ہے۔

ٹورنامنٹ فارمیٹ: بوائز سنگلز مقابلے راؤنڈ رابن فارمیٹ کے تحت آٹھ گروپس میں کھیلے جا رہے ہیں، ہر گروپ کا فاتح کوارٹر فائنل کے لیے کوالیفائی کرے گا۔

نتائج - بوائز سنگلز (راؤنڈ رابن، دوسرا راؤنڈ):

حمزہ رومان (پاکستان) نے برینن این جی (سنگاپور) کو 6-4، 7-5 سے ہرایا؛ عبدالباسط (پاکستان) نے تاچاتم سریسن (تھائی لینڈ) کو 7-5، 6-3 سے شکست دی؛ فاسین سنچالونگ (تھائی لینڈ) نے سنژار بولات (قازقستان) کو 6-0، 6-1 سے ہرایا

؛ ریان خان (پاکستان) نے ووکاسین پاولووچ (سربیا) کو 6-4، 1-6، (10-7) سے شکست دی؛ ریحان گوناوردھنا (سری لنکا) نے ایم۔ حازق عاصم (پاکستان) کو 3-6، 7-5، (10-4) سے ہرایا؛ 

احتشام ہمایوں (پاکستان) نے جین ڈی سارم (سری لنکا) کو 6-3، 6-4 سے شکست دی؛ سوئیچیرو ایشیدا (جاپان) نے پٹینن جاتورونروج (تھائی لینڈ) کو 6-2، 6-1 سے ہرایا؛ 

جِنگ شوان ژو (چین) نے عبدار علی (پاکستان) کو 6-1، 6-1 سے شکست دی؛ نکیتا ڈوگاڈن (روس) نے تھیراپات سمریت وانیچا (تھائی لینڈ) کو 7-6(5)، 2-6، (10-6) سے ہرایا؛ 

ایم۔ حسن عثمانی (پاکستان) نے الشن خان محمدکالی (قازقستان) کو 6-2، 6-0 سے شکست دی؛ آہل کلیل (سری لنکا) نے ذوہیب افضل ملک (پاکستان) کو 6-3، 2-6، (10-5) سے ہرایا؛ 

ڈینیئل الیاس (روس) نے ڈینیئل الوادی (چین) کو 6-1، 6-0 سے شکست دی؛ الیگزینڈر ویرسوٹسکی (بیلاروس) نے یوپے لیانگ (چین) کو 6-1، 6-0 سے ہرایا؛ 

عامر مزاری (پاکستان) نے جیکب لیٹسچ (جرمنی) کو 6-1، 6-3 سے شکست دی؛ محمد یحییٰ (پاکستان) نے ارحم طارق (پاکستان) کو 6-2، 6-4 سے ہرایا؛ جبکہ ناپات پٹانالرٹفن (تھائی لینڈ) نے محمد شایان (پاکستان) کو 6-0، 6-0 سے شکست دی۔

گرلز سنگلز (دوسرا راؤنڈ):

آریانا گریگورین (روس) نے یانا چوہدری (بنگلہ دیش) کو 6-0، 7-5 سے ہرایا؛ وکٹوریہ گرونتووا (روس) نے دائی شی ہو (چین) کو 6-1، 6-1 سے شکست دی؛ یوچی لی (چین) نے ادیما السیپولووا (قازقستان) کے خلاف 2-1 کی برتری پر کامیابی حاصل کی (ریٹائرڈ)؛

 میمی ہو (چین) نے پولینا سوشکووا (قازقستان) کو 4-6، 7-6(1)، 6-2 سے ہرایا؛ شوان یی وے (چین) نے پیمپیسا وونگوانیتکاجون (تھائی لینڈ) کو 4-6، 7-6(2)، 6-2 سے شکست دی؛ 

جبکہ ایولینا زپا (روس) نے انیاوی پیسارنپانوونگ (تھائی لینڈ) کو 7-5، 6-1 سے ہرایا۔