پاکستان کی جیت،وزیراعظم عمران خان اور ڈی جی آئی ایس پی آر کی مبارکباد

اسلام آباد(سپورٹس لنک رپورٹ) وزیراعظم عمران خان نے قومی ٹیم کے کھلاڑیوں کو انگلینڈ کیساتھ سنسنی خیز مقابلے میں فتح پر مبارکباد دی ہے۔ سماجی رابطوں کی ویب سائٹ ٹویٹر پر جاری خصوصی پیغام میں وزیراعظم عمران خان نے قومی ٹیم کو مخاطب کرتے ہوئے کہا کہ آپ میں ٹیلنٹ ہے، صرف یہ یقین کرنا ہے کہ آپ جیت سکتے ہیں۔

انگلینڈ سے فتح حاصل کرنے پر وزیراعظم عمران خان نے قومی کرکٹ ٹیم کو مبارکباد دیتے ہوئے لکھا کہ پہلے میچ میں خراب کارکردگی کے بعد آپ نے بہت اچھی کارکردگی دکھائی۔دوسری جانب پاک فوج کے ترجمان میجر جنرل آصف غفور نے بھی پاکستانی ٹیم کو جیت کی مبارکباد دیتے ہوئے اگلے میچوں کیلئے نیک خواہشات کا اظہار کیا ہے۔