پاکستان، بھارت ٹیکنو سیف چیمپئن شپ میں 5 نومبر کو آمنے سامنے ہوں گے
ڈھاکہ( پی پی اے)۔ٹیکنو سیف چیمپئن شپ بنگلہ دیش 2026 کے شیڈول کا اعلان کردیا گیا ہے، جس کے مطابق پاکستان اور روایتی حریف بھارت کی ٹیمیں 5 نومبر کو اہم مقابلے میں ایک دوسرے کے مدمقابل ہوں گی
دونوں ٹیموں کے درمیان میچ پاکستانی وقت کے مطابق دوپہر 2 بجکر 30 منٹ پر کھیلا جائے گا شیڈول کے مطابق پاکستان چیمپئن شپ میں اپنا دوسرا میچ 8 نومبر کو مالدیپ کے خلاف کھیلے گا۔
اسی روز سری لنکا اور بھوٹان کی ٹیمیں بھی آمنے سامنے ہوں گی گروپ مرحلے کے دیگر میچز میں بھارت اور مالدیپ جبکہ بنگلہ دیش اور سری لنکا کی ٹیمیں بھی ایکشن میں ہوں گی
چیمپئن شپ کے سیمی فائنلز 14 نومبر کو کھیلے جائیں گے، جن میں گروپ اے اور گروپ بی کی سرفہرست ٹیمیں فائنل میں جگہ بنانے کے لیے مدمقابل ہوں گی۔
ٹورنامنٹ کا فیصلہ کن معرکہ 17 نومبر 2026 کو کھیلا جائے گا۔منتظمین کے مطابق نیپال کی شرکت کی تصدیق کی صورت میں ٹورنامنٹ کے شیڈول میں ردوبدل کیا جائے گا اور نظرثانی شدہ شیڈول جاری کیا جائے گا
