قومی انڈر 16 ٹورنامنٹ کا فائنل بارش کی نذر، سنٹرل پنجاب اور خیبرپختونخوا مشترکہ فاتح قرار

لاہور(سپورٹس لنک رپورٹ)فیصل آباد میں بارش کے باعث پی سی بی پیپسی قومی انڈر 16 ایک روزہ کرکٹ ٹورنامنٹ کا فائنل شروع ہی نہ ہوسکا۔ اقبال اسٹیڈیم فیصل آباد میں سنٹرل پنجاب اور خیبرپختونخوا کے درمیان میچ واش آؤٹ ہونے کے باعث دونوں ٹیموں کو مشترکہ طور پر فاتح قرار دے دیا گیا۔

ایونٹ میں 14وکٹیں حاصل کرنے والے ناردرن کے محمد ابراہیم کو بہترین باؤلر جبکہ 206 رنز بنانے والے سندھ کے سعد بیگ کو ٹورنامنٹ کا بہترین بیٹسمین قرار دیا گیا۔ سنٹرل پنجاب کے افضال منظور کو ٹورنامنٹ کے بہترین وکٹ کیپر کا ایوارڈ دیا گیا۔بلوچستان کے فیض اللہ بہترین آلراؤنڈر اور باسط علی کو بہترین فیلڈر قرار دیا گیا۔