پاکستان فٹبال فیڈریشن ’بی‘ ڈویثرن کلب لیگ کا 9مارچ سے آغاز

کراچی (اسپورٹس رپورٹر) سندھ فٹ بال ایسوسی ایشن ‘ نارملائزیشن کمیٹی کے زیر اہتمام 12 ویں پاکستان فٹ بال فیڈریشن‘بی’ڈویژن لیگ (کلب لیگ) کاابتدائی راؤنڈ 9مارچ 2020سے انصار یونین فٹبال اسٹیڈیم، کورنگی پرکھیلا جائے گا۔سیکریٹری سندھ ریاض احمد کے مطابق کراچی کی 5 ڈسٹرکٹ چمپئن ٹیمیں معمار اسپورٹس (ڈسٹرکٹ سینٹرل)، اعظم اسپورٹس (ڈسٹرکٹ ایسٹ)، کورنگی بلوچ شرافی(ڈسٹرکٹ ملیر) ، ماریپور بلوچ (ڈسٹرکٹ ویسٹ) اورحیدر ی بلوچ (ڈسٹرکٹ ساؤتھ) اور اندرون سندھ سے ٹھٹہ کی جئے لعل ایف سی کوالیفائنگ راؤنڈ میں حصہ لیں گی۔

6 ٹیموں کو 3,3 کے دو گروپ میں تقسیم کیا جائے گا۔ ہر گروپ کی ٹاپ ٹیم فائنل کیلئے کوالیفائی کرے گی۔لیگ کا فاتح 23 مارچ کو لاہور میںکھیلے جانے والے فائنل راؤنڈ میںشرکت کرے گا۔متعلقہ اضلاع کی مذکورہ ٹیموں کے سکریٹریز کو ہدایت کی گئی ہے کہ وہ 5 مارچ تک اپنی شرکت کی تصدیق کردیں تاکہ انہیں شامل ڈراز کیا جاسکے۔