شاہد آفریدی کی لنڈی کوتل شاہین آفریدی کے گھر آمد، پورا دن گزارا

سابق مایہ ناز آل رائونڈر شاہد خان آفریدی نے اپنے ہونے والے داماد شاہین آفریدی کے گھر ایک دن گزارا۔ 2021 میں شاہین آفریدی کے خاندان نے شاہد آفریدی سے ان کی دوسرے نمبر کی بیٹی انشا کا رشتہ مانگا تھا۔ بعد ازاں سٹار کرکٹر نے تصدیق کی کہ انہیں شاہین کے خاندان کی جانب سے اپنی بیٹی کے لیے شادی کی پیشکش موصول ہوئی ہے اور کہا کہ ان کی بیٹی کی تعلیم مکمل ہونے کے بعد معاملات کو حتمی شکل دی جائے گی۔

اس کے بعد سے شاہین آفریدی اور شاہد آفریدی اکثر ایک دوسرے کی جگہوں پر نظر آتے ہیں۔ شاہین کے بھائی شان آفریدی کی جانب سے شیئر کی گئی ایک حالیہ تصویر میں شاہد آفریدی کو موجودہ سٹار پیسر کی فیملی کے ساتھ معیاری وقت گزارتے دیکھا جا سکتا ہے۔ شان آفریدی نے لکھا کہ خاندانی اجتماع، شاہد آفریدی کے ساتھ اچھا وقت گزرا، لنڈی کوتل میں لالہ۔