نجم سیٹھی آئی ایل ٹی 20 ٹورنامنٹ کی افتتاحی تقریب میں شرکت کرینگے

پاکستان کرکٹ بورڈ کی منیجمنٹ کمیٹی کے چیئرمین نجم سیٹھی 12 جنوری کو دبئی جائیں گے۔ذرائع کے مطابق نجم سیٹھی کو ایمریٹس کرکٹ بورڈ کی جانب سے مدعو کیا گیا ہے ، وہ انٹرنیشنل لیگ ٹی ٹوئنٹی کی افتتاحی تقریب میں شریک ہوں گے، آئی ایل ٹی 13 جنوری سے دبئی میں شروع ہوگی۔ذرائع کا کہنا ہے کہ دورے کے دوران نجم سیٹھی ایمریٹس کرکٹ بورڈ اور ایشین کرکٹ کونسل کے عہدیدران سے سائڈ لائنز پر ملاقات کریں گے ۔

ذرائع کے مطابق نجم سیٹھی ایشیا کپ کے ایشو پر پاکستان کا مقف پیش کریں گے جبکہ اے سی سی کے ساتھ کشیدہ تعلقات کے معاملات پر اور 2025 کی چیمپئنز ٹرافی کے حوالے سے آئی سی سی حکام سے بھی بات کریں گے۔خیال رہے کہ ایشیا کپ 2023 کی میزبانی پاکستان نے کرنی ہے تاہم بھارتی کرکٹ بورڈ ایشیا کپ کیلئے اپنی ٹیم پاکستان بھیجنے سے انکار کر چکا ہے جس کے بعد ایونٹ نیوٹرل وینیو پر ہونے کا امکان ہے۔