وہاب ریاض پی ایس ایل کے بعد نگراں وزیر کھیل کا حلف اٹھائیں گے

پاکستان کے فاسٹ بولر وہاب ریاض پاکستان سپر لیگ کے بعد پنجاب کے وزیر کا حلف اٹھائیں گے۔پاکستان کرکٹ بورڈ کے چیئرمین نجم سیٹھی نے نگراں وزیرِ اعلی پنجاب محسن نقوی کو وہاب ریاض کا حلف تاخیر سے لینے کی درخواست کی تھی۔پی سی بی کا کہنا ہے کہ نگراں وزیرِ اعلی پنجاب نے نجم سیٹھی کی درخواست کو قبول کر لیا ہے

وہاب ریاض اب مکمل پی ایس ایل کھیلیں گے۔واضح رہے کہ وہاب ریاض کو پنجاب کی نگراں کابینہ میں شامل کیا گیا ہے، وہ پی ایس ایل کے اختتام پر حلف اٹھائیں گے۔وہاب ریاض پی ایس ایل میں پشاور زلمی کی نمائندگی کر رہے ہیں۔