پاکستان ہاکی فیڈریشن کے سیکرٹری جنرل حیدر حسین کی گورنر سندھ سے کراچی میں ملاقات

اس موقع پر گورنر سندھ کامران ٹیسوری نے کہا کہ اولمپک کوالیفائر ایونٹ کی میزبانی پاکستان کے لئے اعزاز ہے.پی ایچ ایف کوشش کرے کہ اس ایونٹ کے ایک دو میچز کراچی میں کرائے.

حیدر حسین نے کراچی میں گراس روٹ لیول مثالی کام کیا.امید ہے کہ حیدر حسین پاکستان ہاکی کا کھویا ھوا مقام واپس لانے کی پوری کوشش کریں گے.گورنر سندھ کامران ٹیسوری کی جانب سے انٹرنیشنل ایونٹ کے سلسلہ میں مکمل تعاون کی یقین دہانی بھی کرائی گئی.

پی ایچ ایف سیکریٹری جنرل حیدر حسین نے کہا کہ پاکستان ہاکی کا سنہرا دور جلد لوٹے گا.پاکستان ہاکی کو اولمپکس اور ورلڈ کپ کے میدان میں کھڑا کرنے کیلئے پرعزم ہوں. ہم ملکر قومی کھیل کی بحالی میں اپنا کردار ادا کریں گے.

اس موقع پر گورنر سندھ کی جانب سے سیکرٹری پی ایچ ایف حیدر حسین کو قومی کھیل میں خدمات پر تعریفی سند بھی جاری گئی.