انعامات کی تقسیم میں تاخیر سے خیبرپختونخوا خواتین کی فٹ سال ٹیم مشکلات کا شکار

انعامات کی تقسیم میں تاخیر سے خیبرپختونخوا خواتین کی فٹ سال ٹیم مشکلات کا شکار

مسرت اللہ جان

خیبرپختونخوا کی خواتین کی فٹ سال ٹیم ابھی تک گزشتہ سال منعقدہ قومی مقابلوں میں اسپورٹس ڈائریکٹوریٹ کی جانب سے انعامی رقم کی منتظر ہے۔ مقابلے مکمل ہونے کے باوجود خواتین کھلاڑیوں کو ان کی کامیابیوں کے لیے اعلان کردہ تین لاکھ روپے ابھی تک نہیں ملے۔

فٹ سال کے خواتین کے مقابلوں میں خیبرپختونخوا کی نمائندگی کرتے ہوئے، پشاور کے ایک مقامی کالج کی کھلاڑیوں سے انعامی رقم کا وعدہ کیا گیا۔ تاہم گزشتہ ڈیڑھ سال سے کھلاڑیوں کو سسپنس میں رکھا گیا ہے کیونکہ منتظمین کی جانب سے فنڈز کی تقسیم میں تاخیر کا سلسلہ جاری ہے۔

اسپورٹس ڈائریکٹوریٹ کے ذرائع نے تصدیق کی ہے کہ تاخیر کی وجہ خواتین کی فٹ بال ٹیم سے وابستہ کچھ صحافی ہیں۔ مبینہ طور پر، ان افراد نے سپورٹس ڈائریکٹوریٹ سے رقم وصول کی لیکن وہ اسے کالج کے مستحق طلباءکو منتقل کرنے میں ناکام رہے جو جیتنے والی ٹیم کا حصہ تھے۔

کھلاڑی مایوسی کا اظہار کرتے ہیں کیونکہ انہیں بار بار بتایا جاتا ہے کہ انعامی رقم کی تقسیم کا ذمہ دار راولپنڈی میں ہے جوایسوسی ایشن کا عہدیدار بھی ہے اس کے باوجود فنڈز کا پتہ نہیں چل سکا۔

خواتین کھلاڑی غیر یقینی کی کیفیت میں پڑی ہیں، انعامی رقم کے مسئلے کے حل کے منتظر ہیں جو قومی فٹ سال مقابلوں میں ان کی کامیابیوں پر پردہ ڈال رہی ہے۔