پہلا ٹی 20: کیویز کا لاٹھی چارج ؛ پاکسان کو جیت کیلئے 227 رنز کا ہدف

آکلینڈ، پاکستان نے نیوزی لینڈ کے خلاف پہلے ٹی ٹوئنٹی میچ میں ٹاس جیت کر پہلے فیلڈنگ کرنے کا فیصلہ کیا۔

نیوزی لینڈ کو ایک رنز پر ہی پہلی وکٹ کا نقصان اٹھانا پڑا، ڈیوڈ کونوے بغیر رنز بنائے شاہین آفریدی کی گیند پر کیچ آئوٹ ہوئے۔

فن ایلن نے 34 رنز بنائے اور وہ عباس آفریدی کا شکار بنے،مقررہ بیس اوورز میں نیوزی لینڈ نے آٹھ وکٹوں کے نقصان پر 226 رنز بنائے اور پاکستان کو 227 رنز کا ہدف دیا۔

نیوزی لینڈ کی جانب سے فن ایلن 34، کین ولیمسن 57 اور ڈیرل مچل 61 رنز بنا کر نمایاں رہے۔

شاہین آفریدی اور عباس آفریدی نے تین تین جبکہ حارث رؤف نے دو کھلاڑیوں کو آؤٹ کیا۔

قومی ٹیم کے کپتان شاہین آفریدی کا کہنا تھا کہ کوشش ہو گی کہ نیوزی لینڈ کو کم سے کم رنز تک محدود رکھ سکیں۔

شاہین آفریدی کا کہنا تھا کہ پاکستان کی جانب سے اسامہ میر اور محمد عباس ٹی ٹوئنٹی ڈیبیو کر رہے ہیں۔