نوجوانوں کی حوصلہ افزائی کیلئے ایسے بھرپور ایونٹ منعقد کرتے رہے گے ; سید اسرار الحسن عابدی

پاکستان اسپورٹس ، ایجوکیشن اینڈ کلچر کونسل کے زیر اہتمام رمضان اسپورٹس فیسٹیول کا انعقاد کیا گیا ۔

فیسٹیول دو دن دیوا اکیڈمی میں جاری رہا۔ اختتامی تقریب کے مہمان خصوصی ریحان ہاشمی نے جیتنے والی ٹیموں میں انعامات تقسیم کیے ۔

نوجوانوں کی حوصلہ افزائی کیلئے ایسے بھرپور ایونٹ منعقد کرتے رہے گے۔ سید اسرار الحسن عابدی

پاکستان اسپورٹس ،ایجوکیشن اینڈ کلچر کونسل اور دیوا اکیڈمی کے زیر اہتمام رمضان اسپورٹس فیسٹیول کا انعقاد کیا گیا جو دو دن جاری رہنے کے بعد 27 رمضان کو اختتام پذیر ہوگیا۔

فیسٹیول میں سیپاک ٹاکرا، فٹبال و ٹینس کے مرد و خواتین کے مقابلے شامل تھے جس میں بڑی تعداد میں کھلاڑیوں نے حصہ لیا ۔ فیسٹول کا آغاز چیئرمین پاکستان اسپورٹس ، ایجوکیشن اینڈ کلچر کونسل جناب رضوان لودھی اور محمد عمران ( سابق نیشنل بیڈمنٹن پلئیر) نے کیا۔

سیپاک ٹاکرا مردوں کی چیمپیئن ہنزہ لیپرڈ اور خواتین کراچی گرین قرار پائی ۔ جبکہ فٹبال و ٹینس کے مقابلے جیت کر دیوا 1 نے ٹرافی اپنے نام کی۔

گرلز میں کراچی ریڈ نے ٹرافی اپنے نام کی۔ ٹورنامنٹ کے بہترین کھلاڑی مردوں میں اجلال اور خواتین میں صوبیہ قرار دی گئی جبکے دیگر کھلاڑیوں میں عزیز الدین ، آصف ایان ، محبوب حسین ، سنگے علی، شھباز علی، زوہیر علی، فرحان، ناصرہ،

شبانہ، شیزہ نے بہترین کھیل کا مظاہرہ کیا ۔ اختتامی تقریب کے مہمان خصوصی جناب ریحان ہاشمی نے جیتنے والی ٹیموں میں انعامات تقسیم کیے ۔

مہمان خصوصی نے نوجوانوں کی صلاحیتوں کو سراہا اور مستقبل میں بھی اپنی طرف سے بھرپور تعاون کا یقین دلایا ۔ آخر میں کھلاڑیوں اور مہمانوں کے لیے افطار ڈنر کا اہتمام کیا گیا ۔

ایونٹ آرگنائزر ہماء بانو ، حماد ، ازان، اسامہ چوہدری ، محمد مظہر اور فیضان تھے۔پریذیڈنٹ پاکستان اسپورٹس ، ایجوکیشن اینڈ کلچر کونسل سید اسرار الحسن عابدی نے مہمانوں کا شکریہ ادا کیا

اور اعلان کیا کے لیبر ڈے کے موقع پر بھرپور ایونٹ منعقد کیا جائے گا جس میں مختلف یونیورسٹیز کی ٹیمیں بھی شرکت کریں گی ۔ تقریب میں جناب ظفر اقبال مغل میونسپل کمشنر کورنگی ،

جناب اسماعیل قمر چیئرمین تعلق فاؤنڈیشن ، جناب عارف شیخ سی ایف او پاکستان اسٹیل مل ، جناب ولی اللہ خان پریذیڈنٹ ایس ایم ایس فاؤنڈیشن ، انجینئر سید موسیٰ رضا ڈائرکٹر الحرمین ٹریولز ،

ڈاکٹر نعمان لاری ڈائریکٹر فزیکل ایجوکیشن سٹی کالج، جناب حامد عقیل ڈائریکٹر می فوڈ، جناب خاور احمد سینئر مینجر ایک ایف یو، مرزا عدنان بیگ بھی موجود تھے